Sýslumaðurinn á höfuðborgarsvæðinu

Hjá sýslumönnum nálgast þú ýmsa þjónustu ríkisins, ýmist rafrænt eða með komu á eina af mörgum skrifstofum sýslumanna víða um land. Nýr kafli er hafinn í sögu sýslumannsembætta sem rekja má til tækniframfara í samfélaginu og eru embættin á fleygiferð í stafrænni vegferð og þróun þjónustu til viðskiptavina. Hjá embætti Sýslumannsins á höfuðborgarsvæðinu starfa um 100 manns og íbúar umdæmisins eru um 242.000. Sýslumaðurinn á höfuðborgarsvæðinu annast umsóknir um vegabréf og ökuskírteini, sinnir fjölskyldumálum, veitir leyfi til ættleiðinga, hefur eftirlit með skráningu heimagistinga, sinnir ýmsum opinberum skráningum svo sem þinglýsingum, auk fleiri verkefna.

Vinnustaðurinn

Þjónustufulltrúar - Dánarbú og Fullnustumál

Sýslumaðurinn á höfuðborgarsvæðinu leitar að samviskusömum, nákvæmum og þjónustulunduðum einstaklingum með góða samskiptafærni til starfa á sviði dánarbúsmála og fullnustumála. Um er að ræða tvö eða fleiri störf.

Um starfið

Við leitum að þjónustufulltrúum sem hafa áhuga á að vinna að fjölbreyttum og krefjandi verkefnum innan stjórnsýslunnar. Starfið felst í afgreiðslu mála, samskiptum við almenning og vandaðri meðferð skjala og gagna. Mikilvægt er að viðkomandi hafi áhuga á að tileinka sér verklag og vinna af nákvæmni og fagmennsku.

Vikulegur vinnutími í fullu starfi er 36 klukkustundir. Starfshlutfall er 100%. Vinnutími er frá kl. 08:00 – 15:30 alla virka daga nema föstudaga kl. 08:00 – 14:00.

Störfin skiptast í tvo meginflokka:

Dánarbúsmál – Meðferð og skráning mála er varða skipti á dánarbúum.
Fullnustumál – Meðferð mála er varða fjárnám, nauðungarsölur, útburðargerðir, kyrrsetningar, lögbönn o.fl.

Helstu verkefni og ábyrgð

Móttaka, afgreiðsla og skráning mála í viðkomandi málaflokki.
Veita viðskiptavinum upplýsingar og leiðbeiningar.
Undirbúningur og eftirfylgni með fyrirtökum og öðrum málsmeðferðum.
Móttaka og skráning gagna, afturkallana og frestana.
Samstarf við lögfræðinga og aðra starfsmenn embættisins.
Skjalafrágangur, skönnun og skjalavarsla.
Þátttaka í öðrum verkefnum innan embættisins eftir þörfum.

Menntunar- og hæfniskröfur

Stúdentspróf er skilyrði, háskólamenntun er kostur.
Reynsla af sambærilegum verkefnum er kostur.
Góð færni í mannlegum samskiptum og þjónustulund.
Skipulagshæfni og sjálfstæði í vinnubrögðum.
Nákvæmni, áreiðanleiki og hæfni til að vinna undir álagi.
Vilji til að læra og þróast í starfi.
Góð tölvukunnátta og færni í upplýsingatækni.
Góð íslenskukunnátta í ræðu og riti er skilyrði.
Enskukunnátta er kostur.

Umsókn skal skilað í gegnum umsóknarkerfi Alfred.is og þarf að fylgja CV og kynningarbréf þar sem gerð er grein fyrir ástæðu umsóknar og hæfni umsækjanda í starfið. Öllum umsóknum verður svarað þegar ákvörðun um ráðningu liggur fyrir. Umsóknir gilda í 6 mánuði frá því að umsóknarfrestur rennur út.

Nánari upplýsingar um starfið veitir Einar Jónsson, sviðsstjóri ([email protected])

Um launakjör fer eftir kjarasamningi fjármála- og efnahagsráðherra og hlutaðeigandi stéttarfélags.

Umsóknarfrestur er til og með 20. júlí 2025

Sýslumenn fara með framkvæmdarvald og stjórnsýslu ríkisins í héraði, hver í sínu umdæmi, skv. lögum nr. 50/2014. Í umdæmi sýslumannsins á höfuðborgarsvæðinu búa um 64% landsmanna. Nánari upplýsingar um verkefni sýslumanna má finna á island.is/syslumenn.

Auglýsing birt6. júlí 2025

Umsóknarfrestur21. júlí 2025

Tungumálahæfni