

Sýnatökusveit rannsóknarkjarna óskar eftir liðsauka
Við viljum bæta við okkur liðsmönnum í okkar góða hóp og auglýsum eftir öflugum einstaklingum með starfsleyfi í heilbrigðisvísindum. Í boði er góður aðlögunartími og kennsla og er því reynsla við blóðsýnatökur ekki skilyrði en er kostur.
Hjá blóðtökuþjónustu rannsóknarkjarna starfar flottur hópur úr ýmsum starfsstéttum við blóðsýnatökuþjónustu á legudeildum spítalans, bráðamóttöku, göngudeildinni okkar á rannsóknarkjarna og víða á heilsugæslustöðvum.
Unnið er ýmist í dagvinnu eða vaktavinnu. Í vaktavinnu eru það morgunvaktir sem hefjast snemma morguns og hætt sem því nemur fyrr á daginn, auk þess sem unnið er þriðju hverja helgi. Æskilegt er að viðkomandi hafi bíl til umráða og geti hafið störf sem fyrst.
Á rannsóknarkjarna er unnið út frá 36 stunda vinnuviku. Markmiðið er að stuðla að betri heilsu og öryggi starfsfólks og auka möguleika þess til að samþætta betur vinnu og einkalíf.






































