Grímsnes- og Grafningshreppur

Sveitarfélagið Grímsnes- og Grafningshreppur er í miðri Árnessýslu, 890 km2 að stærð. Það varð til 1. júní 1998 við sameiningu tveggja hreppa Grímsneshrepps og Grafningshrepps. Þéttbýliskjarninn sveitarfélagsins er Borg og íbúar eru um 500. Mjög góð búsetuskilyrði eru í sveitarfélaginu og er sveitarfélagið afar vinsælt svæði fyrir frístundahús. Framtíðarsýn sveitarfélagsins er að Grímsnes- og Grafningshreppur verði eftirsóknarvert svæði til búsetu, atvinnu, frístundaiðju og útivistar. Þar verði góð skilyrði fyrir atvinnustarfsemi og þjónustu og að fjölbreytni búsetukosta í sveit og þéttbýli verði styrkur svæðisins. Margir fallegir staðir eru í sveitarfélaginu og má þar nefna Hengilsvæðið, Sogið, Kerið, Úlfljótsvatn og Þrastaskóg.

Vinnustaðurinn

Sumarstarf - Umsjón með vinnuskóla

Grímsnes- og Grafningshreppur auglýsir eftir sumarstarfsmanni í fjölbreytt og skemmtilegt starf. Um er að ræða fullt starf og er æskilegt að viðkomandi geti hafið störf í maí og unnið út júlí hið minnsta.

Helstu verkefni og ábyrgð

Umsjón og verkstjórn með vinnuskóla
Halda utan um vinnuskýrslur fyrir ungmenni í vinnuskóla
Almenn umhirða lóða og umhverfis við opin svæði og stofnanir sveitarfélagsins
Önnur tilfallandi verkefni í áhaldahúsi og á gámasvæði

Menntunar- og hæfniskröfur

Skipulagsfærni, frumkvæði og sjálfstæði í vinnubrögðum
Bílpróf
Lágmarksaldur er 18 ár
Gott vald á íslensku og ensku
Þjónustulund og hæfni í mannlegum samskiptum
Þekking á meðferð og umhirðu verkfæra og áhalda
Reynsla af vinnu með ungmennum er kostur
Kerrupróf og/eða vinnuvélaréttindi eru kostur

Vinnuskólinn sinnir umhirðu, viðhaldi og fleiri verkefnum, oft í tengslum við garða, íþrótta- og útivistarsvæði. Verkefnin geta verið nokkuð fjölbreytt, svo sem að gróðursetja, slá og raka, hreinsa beð, grisja skóg, mála, tína rusl, sópa, þrífa, leggja hellur, grasþökur eða göngustíga.

Umsóknarfrestur er til og með 22. apríl 2025.

Laun eru samkvæmt kjarasamningi Sambands íslenskra sveitarfélaga við hlutaðeigandi stéttarfélag.

Frekari fyrirspurnir og umsóknir sendist á [email protected]

Umsókn skal fylgja starfsferilskrá og kynningarbréf þar sem gerð er grein fyrir ástæðu umsóknar og rökstuðningur fyrir hæfni viðkomandi í starfið.

Öllum umsóknum verður svarað.

Auglýsing birt3. apríl 2025

Umsóknarfrestur22. apríl 2025

Tungumálahæfni