Starfsmaður í tollafgreiðslu, innkaupum og umsýslu

Við leitum að reyndum, nákvæmum og skipulögðum einstaklingi til að sinna tollafgreiðslu, innkaupum og tengdum verkefnum. Starfið er fjölbreytt og felur meðal annars í sér tollun innflutningssendinga, bókun útflutnings, meðhöndlun tollskjala og flokkun vara samkvæmt tollskrá.

Starfsmaðurinn mun jafnframt vinna náið með véladeild fyrirtækisins og aðstoða við pöntun, móttöku og reikningsfærslu varahluta. Starfið hentar einstaklingi sem hefur góða yfirsýn, á auðvelt með að halda utan um mörg verkefni og nýtur þess að eiga samskipti við birgja, flutningsaðila og samstarfsfólk.