Laus störf Hæfnileit Vinnustaðir Námskeið

PwC

Hjá PwC á Íslandi starfa um 120 manns, flestir með menntun í viðskipta- og rekstrarfræðum og/eða löggiltir endurskoðendur. Við leggjum áherslu á að starfsfólk okkar fái tækifæri til að sérhæfa sig á sínu áhugasviði innan síns tiltekna fags. Hjá PwC á alþjóðavísu starfa u.þ.b. 370.000 manns.

Vinnustaðurinn

Bókari til PwC á Akureyri eða Húsavík

Langar þig að vinna með fjölbreyttum fyrirtækjum, þróa fagþekkingu þína og vera hluti af öflugu sérfræðiteymi?

Vegna aukinna verkefna og vaxtar leitum við að bókara til starfa á skrifstofu PwC á Norðurlandi. Starfsstöð er annaðhvort á skrifstofu PwC á Akureyri eða á Húsavík.

Hjá PwC færðu tækifæri til að vinna með fjölbreyttum viðskiptavinum úr ólíkum atvinnugreinum og byggja upp víðtæka reynslu á sviði bókhalds, launavinnslu og rekstrarráðgjafar. Þú verður hluti af tíu manna teymi bókara, sérfræðinga og löggiltra endurskoðenda á Norðurlandi sem vinnur náið saman og deilir þekkingu sín á milli. Boðið er upp á markvissa starfsþróun, öfluga fræðslu og aðgang að víðtæku sérfræðineti PwC hérlendis og erlendis.

Við tökum vel á móti umsóknum bæði frá reynslumiklum bókurum og einstaklingum sem hafa góðan grunn og vilja þróast áfram í faginu.

Helstu verkefni og ábyrgð

Færsla bókhalds og afstemmingar
Launavinnsla
Samskipti við viðskiptavini og ráðgjöf vegna daglegra bókhalds- og rekstrarmála
Þátttaka í gerð uppgjöra og skattframtala, eftir reynslu og áhugasviði

Við leitum að einstaklingi sem:

Hefur reynslu af bókhaldi og/eða launavinnslu
Hefur góða þjónustu- og samskiptahæfni
Vinnur af nákvæmni og ábyrgð
Sýnir frumkvæði og getur unnið sjálfstætt
Hefur góða íslensku- og enskukunnáttu

Kostur en ekki skilyrði

Reynsla af uppgjörum og skattframtalsgerð
Þekking á Business Central, DK og/eða Reglu

Hvers vegna PwC?

Hjá PwC færðu tækifæri til að byggja upp víðtæka reynslu, vinna með fjölbreyttum fyrirtækjum og þróast faglega í nánu samstarfi við sérfræðinga á Norðurlandi, um land allt og víðar innan alþjóðlegs PwC samstarfsnetsins.

Við bjóðum þér að:

vinna með fjölbreyttum fyrirtækjum og atvinnugreinum
vera hluti af öflugu tíu manna teymi á Norðurlandi
læra af reyndum sérfræðingum í bókhaldi, uppgjörum, skattamálum og endurskoðun
þróa þekkingu þína með markvissri fræðslu og endurmenntun
nýta alþjóðlegt sérfræðinet PwC hérlendis og erlendis
starfa í umhverfi þar sem samvinna, fagmennska og þekkingarmiðlun eru í fyrirrúmi.

Við leggjum ríka áherslu á vellíðan starfsfólks og bjóðum meðal annars upp á heilsuræktarstyrk, samgöngustyrk og fjölskylduvænt starfsumhverfi.

Viltu vita meira?

Nánari upplýsingar veitir Sigurður Ingvi Rögnvaldsson, forstöðumaður PwC á Norðurlandi á netfangið [email protected] eða Katrín Ingibergsdóttir, mannauðsstjóri, á netfangið [email protected].

Tekið er á móti umsóknum á vef okkar www.pwc.is/storf til og með 8. september nk.

Öll kyn eru hvött til að sækja um.

Um PwC

PwC er framsækið og traust fyrirtæki á sviði endurskoðunar, reikningsskila, fyrirtækjaráðgjafar og skatta- og lögfræðiráðgjafar. PwC er eitt stærsta endurskoðunar- og ráðgjafafyrirtæki í heiminum. PwC leggur áherslu á faglega uppbyggingu, þátttöku í námskeiðum og sérhæfingu starfsfólks.

Auglýsing birt13. ágúst 2026

Umsóknarfrestur8. september 2026

Tungumálahæfni