Sveitarfélagið Árborg

Sveitarfélagið Árborg er fjölmennasta sveitarfélagið á Suðurlandi. Það varð til við sameiningu Eyrarbakkahrepps, Sandvíkurhrepps, Selfossbæjar og Stokkseyrarhrepps. Sveitarfélagið hefur vaxið ört síðastliðin ár og telur nú tæplega 12.000 íbúa. Þar er miðstöð þjónustu á Suðurlandi, góðir skólar ásamt öflugu íþrótta-, félags- og menningarlífi. Starfsmenn sveitarfélagsins eru um 1000 og lögð er áhersla á að skapa starfsumhverfi sem stuðlar að vellíðan og árangri, þar sem starfað er af fagmennsku og góðum ásetningi með hag sveitarfélagsins að leiðarljósi.

Vinnustaðurinn

Starfsmaður í fylgd fatlaðra í akstursþjónustu

Vilt þú taka að þér mikilvægt hlutverk í þjónustu við fatlaða einstaklinga?

Velferðarþjónusta Árborgar leitar að ábyrgum og þjónustuliprum einstaklingi til að sinna fylgd fatlaðra í akstursþjónustu.

Starfið fer fram á verktakagrundvelli.
Nauðsynlegt er að viðkomandi geti hafið störf sem allra fyrst.
Um er að ræða mikilvæga þjónustu sem stuðlar að aukinni þátttöku og lífsgæðum fatlaðra einstaklinga.

Í Sveitarfélaginu Árborg búa rúmlega 12.000 íbúar og starfa um 1000 manns hjá sveitarfélaginu. Lögð er áhersla á að skapa starfsumhverfi sem stuðlar að vellíðan og árangri þar sem starfað er af fagmennsku og góðum ásetningi með hag sveitarfélagsins að leiðarljósi.

Helstu verkefni og ábyrgð

Fylgd við fatlaða einstaklinga í akstursþjónustu.
Verkefnin felast í að veita einstaklingi stuðning í stökum ferðum, að öllu jafna á morgnana og síðdegis.
Starfið er unnið í samræmi við mat Barnateymis Árborgar, sem metur þörf fyrir stuðning einstaklinga í akstursþjónustu.

Menntunar- og hæfniskröfur

Ábyrgð, stundvísi og rík þjónustulund.
Lipurð í samskiptum og vilji til að sinna fjölbreyttum verkefnum.
Reynsla af störfum með fötluðum einstaklingum er kostur.
Hæfni að tileinka sér mikilvægar upplýsingar er varðar hugsanlegar áskoranir í starfinu.

Nánari upplýsingar veitir Sigríður Elín Leifsdóttir, sigridurelin@arborg.is

Umsóknarfrestur er til og með 10. janúar 2024

Umsóknum fylgi yfirlit yfir nám og fyrri störf ásamt greinargóðum rökstuðningi fyrir hæfni í starfið. Umsóknum er skilað á Alfred.is. Mat á hæfni umsækjenda byggist á innsendum gögnum og viðtölum við umsækjendur. Öllum umsóknum verður svarað þegar ákvörðun um ráðningu liggur fyrir. Allar umsóknir eru gildar í 6. mánuði.

Laun eru samkvæmt kjarasamningi Sambands íslenskra sveitarfélaga og viðkomandi stéttarfélags. Vakin er athygli á stefnu Sveitarfélagsins Árborgar að jafna hlut kynjanna í störfum hjá sveitarfélaginu og að vinnustaðir endurspegli fjölbreytileika samfélagsins.

Auglýsing birt20. desember 2024

Umsóknarfrestur10. janúar 2025

Tungumálahæfni