Sölufulltrúi - sumarstarf á Akureyri

Sumarstarf hjá Ekrunni er tækifæri til framtíðar!

Á hverju ári ráðum við fólk í alls konar sumar- og afleysingastörf sem geta í mörgum tilvikum verið upphafið að farsælum starfsferli og veitt dýrmæta reynslu sem nýtist til framtíðar.

Við leggjum mikla áherslu á að skapa jákvætt starfsumhverfi þar sem öll fá tækifæri til að þróast og vaxa í starfi. Margt af okkar fremsta fólki í dag byrjaði í sumarstarfi, lærði og þroskaðist og tók virkan þátt í uppbyggingu öflugrar liðsheildar í framsýnu fyrirtæki.

Sendu okkur umsókn og sjáðu hvort það verður ekki byrjunin á spennandi ferli.

Ekran er mikilvægur hluti af 1912 samstæðunni en þar starfa um 150 manns sem halda utan mörg af vinsælustu vörumerkjum landsins.

Sölufulltrúi mun sinna verkefnum fyrir bæði Ekruna og Emmessís, systurfélag þess. Vinnutími er klukkan 08:00 - 16:00 alla virka daga með möguleika á yfirvinnu á laugardögum.