Sölu- og markaðsráðgjafi á auglýsingadeild

Ert þú snillingur í samskiptum, finnst gaman að ná árangri og vinnur vel undir pressu? Þá gætum við verið að leita að þér! Auglýsingadeild Sýnar leitar að sölu- og markaðsfulltrúum til að ganga til liðs við sitt öfluga teymi. Í starfinu felast samskipti við viðskiptavini, fagleg markaðsráðgjöf og sala auglýsinga inn á miðla Sýnar, þar á meðal Vísi, Bylgjuna og sjónvarpsstöðina Sýn.

Auglýsingadeild Sýnar er ein sú öflugasta á landinu. Þar starfar samheldin hópur fagfólks við að koma mikilvægum skilaboðum til landsmanna í gegnum okkar fjölmörgu miðla.

Helstu verkefni:

• Samskipti við viðskiptavini og birtingahús
• Sala auglýsinga
• Sala á kostunum og viðburðum
• Uppsetning birtingaplana
• Markaðsráðgjöf til fyrirtækja
• Önnur tilfallandi verkefni

Hæfniskröfur

• Framúrskarandi færni í mannlegum samskiptum
• Dugnaður og drifkraftur
• Getan til að koma fram og halda kynningar
• Frumkvæði og hugmyndaauðgi
• Reynsla af sambærilegu starfi kostur
• Menntun á sviði viðskipta eða markaðsfræða kostur en ekki skilyrði

Hvað höfum við að bjóða þér?

• Frábæra vinnufélaga
• Framúrskarandi vinnuaðstöðu
• Spennandi verkefni
• Sveigjanlegt og fjölskylduvænt vinnuumhverfi
• Möguleika á starfsþróun
• Mötuneyti á heimsmælikvarða
• Internet- og farsímaáskrift auk sérkjara af sjónvarpsþjónustu
• Árlegan heilsustyrk
• Árlegan símtækjastyrk
• Samgöngustyrk fyrir þá sem nýta sér vistvæna ferðamáta til og frá vinnu
• Öflugt starfsmannafélag og frábæra vinnustaðamenningu

Við hvetjum áhugasöm af öllum kynjum til að sækja um í gegnum ráðningavefinn okkar. Umsóknarfrestur er til og með 5. október 2025.

Nánari upplýsingar veitir Ragnhildur Guðmundsdóttir, forstöðumaður auglýsingadeildar Sýnar, [email protected] og Kristín Gestsdóttir, mannauðsráðgjafi, [email protected]

Hver erum við?

Sýn er leiðandi afl á sviði fjarskipta og fjölmiðlunar á Íslandi. Hjá Sýn sameinum við það besta úr heimi tækni og afþreyingar og breytum hversdagsleikanum í upplifun. Það er betra að vera með Sýn – hvort sem þú ert að horfa, hlusta, vafra eða vinna.

Hjá Sýn leggjum við áherslu á að starfsfólk upplifi vellíðan í vinnu. Það gerum við með því að búa starfsfólki framúrskarandi vinnuaðstöðu, huga að líkamlegri og andlegri heilsu þess og gefa því möguleika á sveigjanleika í vinnu. Við viljum að fólki líði vel í vinnunni, upplifi sig sem hluta af sterkri liðsheild, fái útrás fyrir sköpunarþörf sína og tækifæri til að takast á við verkefni þar sem styrkleikar þeirra fá helst notið sín. Sýn vill þannig stuðla að jákvæðri sjálfsmynd og góðu sjálfstrausti starfsfólks og að starfsfólk sýni frumkvæði í starfi. Við trúum því að fyrirtækinu gangi best þegar starfsfólkið er upp á sitt BESTA.