Laus störf Hæfnileit Vinnustaðir Námskeið

Slökkvilið höfuðborgarsvæðisins

Starfsemi okkar er fjölbreytt og er markmið okkar að sinna forvörnum og útkallsþjónustu á þjónustusvæði okkar sem nær yfir öll sveitarfélögin á höfuðborgarsvæðinu. Við sinnum slökkvistarfi skv. lögum um brunavarnir, sjúkraflutningum á svæðinu, almannavörnum, björgun úr sjó, vötnum og utan alfaraleiða ásamt öflugu eldvarnaeftirliti. Starfsfólk okkar er tæplega 200 staðsett á fjórum slökkvistöðum, en á starfssvæði okkar býr 63% allra landsmanna.

Vinnustaðurinn

Slökkviliðs- og/eða sjúkraflutningamaður - framtíðarstarf

Við leitum eftir öflugu fólki óháð kyni og uppruna til að sinna slökkvi- og björgunarstarfi og/eða sjúkraflutningum á höfuðborgarsvæðinu. Við leitum að starfsfólki sem vill láta gott af sér leiða og vill tilheyra öflugu liði. Um er að ræða vaktavinnu. Umsóknafrestur er til og með 31. ágúst nk.

Stefnt er að því að halda hlaupaprófin í vikunni 21.-26. september og sundpróf og inntökudaginn, þar sem þrek, hæð, innilokun og verkvit er kannað í vikunni á eftir.

Helstu verkefni og ábyrgð

Sjúkraflutningar á höfuðborgarsvæðinu
Slökkvistarf
Björgunarstörf
Önnur tilfallandi verkefni

Menntunar- og hæfniskröfur

Fullgilt sveinspróf, stúdentspróf eða sambærileg menntun
Aukin ökurétttindi C og C1E flokkur vegna slökkviliðs- og sjúkraflutninga. Umsækjendur mega taka aukin ökuréttindi eftir að ákvörðun um ráðningu liggur fyrir.
Aukin ökuréttindi C1 vegna sjúkraflutninga. Umsækjendur mega taka aukin ökuréttindi eftir að ákvörðun um ráðningu liggur fyrir.
Góð íslensku og enskukunnátta, kunnátta á þriðja tungumáli er kostur
Færni í samskiptum, sjálfstæð vinnubrögð og geta til að vinna undir álagi

Fríðindi í starfi