Starfsmaður í framleiðslu og merkingar
Signa leitar að sjálfstæðum og vandvirkum starfsmanni í fjölbreytt verkefni við framleiðslu og merkingar.
Helstu verkefni eru skurður og frágangur á límfilmum, uppsetning á límfilmum og prentuðu efni ásamt öðrum skapandi verkefnum.
Þetta er fjölbreytt starf þar sem engir tveir dagar eru eins og hentar vel einstaklingi sem hefur gaman af verklegri vinnu og leggur metnað í vönduð vinnubrögð.
- Álíming og uppsetning á límfilmum og prentuðu efni.
- Skurður, frágangur og undirbúningur merkinga fyrir uppsetningu.
- Ábyrgð á vönduðum frágangi verkefna.
- Samvinna við aðra starfsmenn um framleiðslu og uppsetningu
- Fjölbreytt og skapandi verkefni við framleiðslu og merkingar.
- Tækifæri til að efla þekkingu og færni á sviði prentunar og uppsetningar.
Signa er vaxandi fyrirtæki með víðtæka reynslu af prentun, skiltagerð, bílamerkingum og annari sérsmíði. Við sinnum fjölbreyttum verkefnum við framleiðslu og uppsetningu og leggjum áherslu á fagmennsku, vandaðan frágang og persónulega þjónustu.
Við leitum að öflugum liðsfélaga sem vill taka þátt í fjölbreyttum verkefnum og vaxa með okkur. Ef starfið höfðar til þín hvetjum við þig til að senda inn umsókn.
Nánari upplýsingar um starfið veitir Anna Linda Magnúsdóttir, framkvæmdastjóri, í netfanginu [email protected].
Enska
Íslenska
