GKG – Golfklúbbur Kópavogs og Garðabæjar

Svæði félagsins er í landi Garðabæjar annarsvegar og í landi Kópavogs hinsvegar eins og nafnið ber með sér. Vallarstæðið er í Vetrarmýri í landi Vífilsstaða í Garðabæ og í Leirdal ofan við Salahverfi í Kópavogi. Til stendur að taka æfingasvæði klúbbsins til gagngerrar endurnýjunar. Æfingasvæðið er stórt og öll önnur aðstaða til golfiðkunar á svæði klúbbsins með því sem besta sem gerist á landinu. Um 2.000 félagar eru nú í GKG og mikið af þeim fjölda eru börn og unglingar. GKG telur flest ungmenni yngri en 16 ára af öllum golfklúbbum á landinu og er það mikið ánægjuefni að hafa úr svo miklum efnivið að moða til framtíðar.

Vinnustaðurinn

Skrúðgarðyrkjufræðingur

Vallarsvið GKG leitar að öflugum skrúðgarðyrkjufræðingi til að sameinast frábæru teymi starfsmanna sem hafa það eina markmið að gera golfvallarsvæði GKG sem allra best og fallegast hverju sinni.

Við óskum eftir einstaklingi sem getur unnið sjálfstætt og er með víðtæka reynslu. Um er að ræða mjög fjölbreytta og skemmtilega vinnu í frábærum félagsskap og í fallegu umhverfi allt árið um kring.

Helstu verkefni og ábyrgð

Nýframkvæmdir og viðhald á svæðum GKG.
Plöntun trjáa og annars gróðurs.
Þróun og framkvæmd á ræktunar- og landslagsáætlunum til að tryggja hágæða vallaraðstæður.
Viðhald á grasi, görðum og öðrum gróðri.
Þátttaka í þjálfun og leiðsögn starfsfólks sem vinnur á vallarsvæðinu.
Áburðargjöf og almenn hreinsun.
Veita ráðgjöf um garðplöntur og garðrækt.
Önnur tilfallandi verkefni.

Menntunar- og hæfniskröfur

Menntun í skrúðgarðyrkju eða sambærilegum greinum.
Reynsla af umhirðu golfvalla eða svipaðra landsvæða er æskileg.
Færni í notkun landbúnaðartækja og annarra tækja sem notuð eru við vallaryfirhalningu.
Góð skipulagshæfni og sjálfstæð vinnubrögð.
Hæfni til að vinna undir álagi og í fjölbreyttum veðuraðstæðum.
Jákvætt viðmót, teymisvinna og þjónustulund.

Markmið GKG er að veita góða þjónustu og gera upplifun kylfinga og annarra gesta framúrskarandi.

GKG er fjölskylduvænn golfklúbbur. Um 2.600 félagar eru nú í GKG og mikið af þeim fjölda eru börn og unglingar. GKG telur flest ungmenni yngri en 16 ára af öllum golfklúbbum á landinu og er það mikið ánægjuefni að hafa úr svo miklum efnivið að moða til framtíðar.

GKG hefur um 70 hektara svæði að hugsa um og er orðið töluvert um annan gróður en gras á svæðinu sem þarf að hugsa um og einnig erum við dugleg í að gróðursetja á svæðinu okkar.

Umsóknarfrestur er til og með 6. febrúar n.k.

Sótt er um starfið á www.vinnvinn.is

Við hvetjum áhugasama til að sækja um, óháð kyni og uppruna.

Umsókn skal fylgja ferilskrá og kynningarbréf á íslensku þar sem gerð er grein fyrir ástæðu umsóknar og rökstuðningur um hæfni viðkomandi til að gegna starfinu.

Nánari upplýsingar veita Hilmar G. Hjaltason ([email protected]) og Garðar Ó. Ágústsson ([email protected]) hjá Vinnvinn.

Auglýsing birt27. janúar 2025

Umsóknarfrestur12. febrúar 2025

Tungumálahæfni