Sérkennslustjóri - HOLT

Sérkennslustjóri - Holt

Leikskólinn Holt auglýsir eftir sérkennslustjóra í fullt starf.

Holt er sex deilda leikskóli, staðsettur í tveimur húsum (Stóra-Holt og Litla-Holt) í Völvufelli 7-9 í Breiðholti. Í starfinu er lögð áhersla á málörvun og fjölmenningu. Við erum í þróunarverkefninu „Markviss málörvun í Fellahverfi" sem er hliðarverkefni frá verkefninu „Okkar mál" en það byggir á samstarfi um menningu, mál og læsi í Fellahverfi. Í tengslum við bæði þessi verkefni erum í samvinnu með talmeinafræðingum um málörvun barna og fræðslu fyrir starfsfólk og foreldra. Einnig erum við að vinna með tannvernd, að efla félagsfærni barna og Vináttuverkefnið um Blæ bangsa.

Starfið er laust frá 1.desember 2024.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Helstu verkefni og ábyrgð

Yfirumsjón með skipulagningu, framkvæmd og endurmati sérkennslu í leikskólanum í samráði við leikskólastjóra.
Yfirumsjón með gerð verkefna og gerð einstaklingsnámskráa.
Yfirumsjón með samskiptum við foreldra, sérkennsluráðgjafa og aðra sem koma að sérkennslu.
Fræðsla, ráðgjöf og stuðningur við foreldra og starfsmenn.
Að veita börnum með sérþarfir leiðsögn og stuðning.

Hæfniskröfur

Leikskólasérkennaramenntun, þroskaþjálfamenntun eða önnur sambærileg menntun sem nýtist í starfi.
Framhaldsmenntun í sérkennslufræðum æskileg.
Reynsla af sérkennslu.
Lipurð og sveigjanleiki í samskiptum.
Sjálfstæð og skipulögð vinnubrögð.
Frumkvæði, áhugi og metnaður í starfi.
Góð íslenskukunnátta er skilyrði.

Frekari upplýsingar um starfið

Laun eru samkvæmt samningi Sambands íslenskra sveitarfélaga og KÍ v/félags leikskólakennara. Starfshlutfall 100% Umsóknarfrestur 8.nóvember 2024. Ráðningarform Ótímabundin ráðning

Nánari upplýsingar um starfið veitir leikskólastjóri, Halldóra Björg Gunnlaugsdóttir í síma 411-3330 / 693-9882 og tölvupósti holt@reykjavik.is