Garðabær

Garðabær leggur áherslu á að veita íbúum bæjarins framúrskarandi þjónustu og sækist eftir að ráða til starfa metnaðarfulla og færa einstaklinga sem eru jákvæðir, faglegir og áreiðanlegir. Starfsemi bæjarins býður upp á mörg skapandi, fjölbreytt og skemmtileg störf í lifandi umhverfi.

Vinnustaðurinn

Kennari fyrir nemendur með annað móðurmál en íslensku

Sjálandsskóli óskar eftir að ráða kennara fyrir nemendur með annað móðurmál en íslensku í 80-100% starf. Um er að ræða tímabundna ráðningu fyrir skólaárið 2024-2025.
Sjálandsskóli er heildstæður grunnskóli í Garðabæ. Í skólanum eru 270 nemendur og starfsmenn eru um 60. Í Sjálandsskóla vinna allir starfsmenn saman að því að byggja upp skólastarf sem einkennist af vilja og virðingu og hafa hag nemenda að leiðarljósi. Leitað er eftir einstaklingi sem er tilbúinn að starfa að sveigjanlegu skólastarfi í teymisvinnu og samkvæmt skólastefnu Sjálandsskóla.

Helstu verkefni og ábyrgð

Kennsla og skipulagning á námi nemenda með íslensku sem annað tungumál
Ráðgjöf til kennara og stuðningsfulltrúa
Vinnur að skólaþróun með stjórnendum og samstarfsfólki
Áætlanagerð í samráði við kennara, foreldra og nemendur
Stuðlar að velferð nemenda og samstarfi við foreldra og annað fagfólk
Tekur þátt í teymisvinnu

Menntunar- og hæfniskröfur

Leyfisbréf til kennslu *(leyfisbréf fylgi umsókn)
Að lágmarki 90 námseiningar á einu námssviði aðalnámskrár og menntunarfræði grunnskóla
Ríkir samstarfs- og samskiptahæfileikar
Frumkvæði, skipulagshæfni og sjálfstæði vinnubrögðum
Áhugi á skólaþróun
Góð íslenskukunnátta á stigi C1 samkvæmt evrópska tungumálarammanum
Góð tölvukunnátta
Reynsla af starfi í grunnskóla og/eða starfi með börnum er æskileg
Lausnamiðað viðhorf til flókinna úrlausnarefna

Fríðindi í starfi

Heilsuræktarstyrkur fyrir starfsmenn sem ráðnir eru í starfshlutfall að upphæð 20.000 kr. eftir 6 mánuði í starfi
Bókasafnskort fyrir starfsmenn sem ráðnir eru í starfshlutfall eftir 3 mánuði í starfi
Menningarkort fyrir starfsmenn sem ráðnir eru í starfshlutfall eftir 3 mánuði í starfi
Sundlaugarkort fyrir starfsmenn sem ráðnir eru í starfshlutfall eftir 3 mánuði í starfi
Árshátíð er starfsmönnum að kostnaðarlausu
Íslenskunámskeið fyrir erlenda starfsmenn

*Fáist ekki starfsmaður með leyfisbréf til kennslu þrátt fyrir endurtekna auglýsingu kemur til greina að ráða háskólamenntaðan einstakling tímabundið til starfa sbr. lög nr.95/2019

Umsóknarfrestur er til og með 22. október 2024.

Nánari upplýsingar um starfið veitir Sesselja Þóra Gunnarsdóttir, skólastjóri sesseljag@sjalandsskoli.is/ 5903100 eða Ósk Auðunsdóttir aðstoðarskólastjóri, oska@sjalandsskoli.is / 5903100

Launakjör eru samkvæmt kjarasamningi Sambands íslenskra sveitarfélaga og Kennarasambands Íslands. Áhugasamir einstaklingar, án tillits til kyns, eru hvattir til að sækja um. Umsækjendur eru beðnir um að sækja um með því að smella á Sækja um og opna vefform. Umsóknum skal fylgja ítarleg starfsferilskrá.