Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Sérhæfður starfsmaður við sundlaug og í sjúkraþjálfun Grensási

Viltu vinna með skemmtilegu fólki og vera hluti af góðri liðsheild? Við leitum eftir liðsmanni til starfa í sjúkraþjálfun og við sundlaug. Starfið er tvíþætt og skiptist milli þess að starfa sem sundlaugarvörður og sérhæfður starfsmaður sjúkraþjálfunar. Starfshlutfall er 100% og unnið er í dagvinnu.

Í sjúkraþjálfun Grensási starfa um 20 starfsmenn í þverfaglegu teymi og sinna fjölbreyttri og sérhæfðri endurhæfingu sjúklinga m.a. með skaða í miðtaugakerfi, fjöláverka, aflimanir auk almennrar endurhæfingar.

Við tökum vel á móti nýjum starfsmönnum og veitum góða aðlögun. Fríðindi í starfi eru m.a. samgöngusamningur, styttri vinnuvika o.fl.

Æskilegt er að umsækjandi geti hafið störf 1. september 2024 eða eftir samkomulagi. Starfshlutfall er 100%.

Menntunar- og hæfniskröfur

Reynsla af umönnunarstörfum er æskileg

Hæfni í mannlegum samskiptum og þverfaglegu samstarfi

Sjálfstæði og skipulagshæfni í vinnubrögðum

Metnaður og frumkvæði í starfi

Hæfnispróf fyrir laugarverði er tekið eftir að viðkomandi hefur hafið störf

Góð íslenskukunnátta

Helstu verkefni og ábyrgð

Aðstoð og eftirlit með sundlaugargestum í búningsklefum og sundlaugarsvæði

Sinnir eftirliti í tækjasal og aðstoðar sjúkraþjálfara við meðferð

Móttaka og skráning í þjálfun og í sund

Umsjón með rekstarvörum og frágangur á þjálfunarsvæði og á laugarsvæði

Önnur tilfallandi verkefni

Starfshlutfall: 100%

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Allar umsóknir þurfa að fara rafrænt í gegnum ráðningarkerfi ríkisins. Umsókn fylgi náms- og starfsferilskrá ásamt kynningarbréfi og afriti af prófskírteinum og starfsleyfi, ef við á. Fylgiskjöl skulu vera á pdf formi.

Tekið er mið af jafnréttisstefnu Landspítala við ráðningar á spítalanum. Öllum umsóknum verður svarað.

Landspítali er lifandi og fjölbreyttur vinnustaður þar sem um 7000 manns starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá birtingu auglýsingar, sbr. 3. tl. 2. mgr. 2. gr. reglna nr. 1000/2019 um auglýsingar lausra starfa með síðari breytingum.

Heilbrigðisþjónusta, endurhæfing, sérhæfður starfsmaður

Nánari upplýsingar

Ída Braga Ómarsdóttir, [email protected], 543-9104

Sjúkraþjálfun

Hringbraut

101 Reykjavík

Auglýsing birt16. júlí 2024

Umsóknarfrestur9. ágúst 2024

Tungumálahæfni

Engar sérstakar tungumálakröfur

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (50)