Laus störf Hæfnileit Vinnustaðir Námskeið

Skatturinn

Skatturinn fer með álagningu og innheimtu skatta, gjalda og tolla auk þess að sinna eftirliti með skattskilum og viðskiptum og flutningum yfir landamæri.

Vinnustaðurinn

Sérfræðistarf á þjónustusviði, Akureyri

Skatturinn leitar eftir háskólamenntuðum einstaklingi, með brennandi áhuga á að veita úrvals þjónustu, til þess að ganga til liðs við framsækið starfsfólk á starfsstöð Skattsins á Akureyri. Á starfsstöðinni starfar nú á fjórða tug starfsfólks sem vinnur eftir gildum Skattsins, sem eru fagmennska, framsækni og samvinna.

Helstu verkefni og ábyrgð

Um fjölbreytt verkefni er að ræða sem tengjast þjónustu við viðskiptavini og varða m.a. upplýsingagjöf um skatta-, innheimtu- og tollamál, úrvinnslu ýmissa gagna og afgreiðslu erinda sem tengjast verkefnum Skattsins.

Menntunar- og hæfniskröfur

Háskólamenntun sem nýtist í starfi (að lágmarki bakkalár gráða)
Fáguð framkoma og góð samskiptafærni, ásamt ríkri þjónustulund
Gott vald á íslensku og ensku, í töluðu og rituðu máli
Góð almenn tölvukunnátta
Þekking á almennri skattframkvæmd er kostur
Skipulögð, nákvæm og sjálfstæð vinnubrögð
Jákvæðni, frumkvæði og metnaður
Hreint sakavottorð

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Til þess að umsókn teljist fullnægjandi þarf ferilskrá, auk kynningarbréfs, sem inniheldur ítarlegar upplýsingar m.a. um menntun, fyrri störf, umsagnaraðila og annað er máli skiptir að fylgja með. Umsækjendum um störf hjá Skattinum kann að vera gert að leysa verkefni í ráðningarferlinu sem kæmu, auk annarra þátta, heildstætt inn í mat á hæfni þeirra til viðkomandi starfa.

Öllum umsóknum verður svarað þegar ákvörðun hefur verið tekin um ráðningar. Umsóknir geta gilt í allt að 6 mánuði frá því að umsóknarfresti lýkur.

Auglýsing birt9. september 2026

Umsóknarfrestur21. september 2026

Tungumálahæfni