Laus störf Hæfnileit Vinnustaðir Námskeið

Kaldvík hf.

Kaldvík er ört vaxandi fyrirtæki í íslensku laxeldi með starfsemi víða um land. Við framleiðum hágæða lax í einstökum náttúruaðstæðum Íslands og leggjum mikla áherslu á gæði og ábyrg vinnubrögð. Hjá okkur starfar öflugur hópur fólks með fjölbreyttan bakgrunn sem sameinast um að byggja upp sterkt og framsækið fyrirtæki. Við leggjum áherslu á gott samstarf, jákvætt starfsumhverfi og tækifæri fyrir starfsfólk til að vaxa í starfi. Ef þú hefur áhuga á að taka þátt í uppbyggingu alþjóðlegs matvælafyrirtækis með rætur í íslensku samfélagi, þá gæti Kaldvík verið rétti staðurinn fyrir þig.

Vinnustaðurinn

Gæðasérfræðingur - sjór

Kaldvík leitar að öflugum gæðasérfræðingi til starfa í gæðateymi félagsins á Austfjörðum.

Við leitum að einstaklingi sem hefur áhuga á fiskeldi og stöðugum umbótum og vill taka virkan þátt í að byggja upp framreiðslu Kaldvíkur

Starfið er fjölbreytt og felur í sér náið samstarf við starfsfólk og stjórnendur á eldisstöðvum, líffræðiteymi og aðra sérfræðinga innan Kaldvíkur. Gæðasérfræðingur gegnir jafnframt mikilvægu faglegu hlutverki í þróun verklags og gæðastarfs innan sjókvíaeldis félagsins.

Starfið heyrir undir gæðastjóra Kaldvíkur og krefst viðveru á starfsstöðvum félagsins á Austfjörðum.

Helstu verkefni og ábyrgð

Umsjón og eftirfylgni með gæðaverklagi á sjókvíaeldisstöðvum Kaldvíkur á Austfjörðum.
Eftirlit með gæðum, velferð fisks og meðhöndlun.
Þróun, skrásetning og eftirfylgni með verklagsreglum og gátlistum.
Greining frávika, rótargreining og eftirfylgni úrbóta.
Náið samstarf við stöðvarstjóra, líffræðiteymi og framleiðsluteymi.
Stýring og yfirsýn í gæðakerfi félagsins
Fagleg leiðsögn og stuðningur við starfsfólk varðandi gæðamál og bestu starfshætti.
Þátttaka í vottunum og úttektum, meðal annars tengdum ASC, BRC og öðrum viðeigandi stöðlum.
Eftirfylgni og miðlun og þátttaka í reglulegri yfirferð á árangri og gæðamálum.
Þjálfun og fræðsla starfsfólks um gæðaverklag og gæðakröfur.

Menntunar- og hæfniskröfur

Hefur menntun eða reynslu á sviði fiskeldis, matvæla, dýralækninga eða á sambærilegu sviði. Hagnýt reynsla getur vegið upp á móti formlegri menntun.
Frumkvæði, áhuga og metnað í starfi
Góða samskiptahæfni og jákvætt hugarfar
Getu til að vinna bæði sjálfstætt og í teymi
Er tilbúinn að vera mikið á vettvangi og ferðast á milli starfsstöðva Kaldvíkur á Austfjörðum.
Hefur góða tæknilega færni.
Hefur góða færni í skrásetningu, eftirfylgni og miðlun upplýsinga.
Getur átt góð samskipti á íslensku og/eða ensku.

Fríðindi í starfi

Fæði
Heilsu- og menntunarstyrkir
Góð vinnuaðstaða og tækifæri til útivistar
Fjölskylduvænn vinnustaður

Um Kaldvík

Kaldvík er eitt af leiðandi laxeldisfyrirtækjum Íslands og rekur samþætta virðiskeðju allt frá seiðaframleiðslu, eldi og vinnslu.

Aðalstarfsemi fyrirtækisins er á Austfjörðum, en Kaldvík er með starfsemi í fimm sveitarfélögum og starfsstöðvar á Suðurlandi, Norðurlandi og Austfjörðum, alls á ellefu stöðum á Íslandi.

Um 200 hæfir starfsmenn starfa hjá fyrirtækinu á öllum stigum virðiskeðjunnar. Hjá okkur starfar öflugur og fjölbreyttur hópur fólks af ólíkum kynjum og þjóðernum, sem vinnur saman að því að framleiða fyrsta flokks lax fyrir viðskiptavini um allan heim.

Kaldvík framleiðir árlega lax sem jafngildir yfir 120 milljónum máltíða, og leggur mikla áherslu á sjálfbærni, gæði og samfélagslega ábyrgð í allri sinni starfsemi.

Kaldvík hf. er skráð á Euronext Growth í Osló og Nasdaq First North Growth Market á Íslandi, sem endurspeglar metnað fyrirtækisins fyrir vöxt, gagnsæi og ábyrga starfshætti.

Auglýsing birt10. september 2026

Umsóknarfrestur5. október 2026

Tungumálahæfni