Rekstrarstjóri ævintýraferða á Adventure Ground og í Skaftafelli
Icelandia leitar að öflugum, metnaðarfullum og árangursdrifnum rekstrarstjóra til að leiða starfsemi félagsins á Adventure Ground í Mýrdalssveit og í Skaftafelli. Um er að ræða umfangsmikinn og spennandi rekstur þar sem fagmennska, öryggi og framúrskarandi upplifun gesta eru í fyrirrúmi. Starfsemin á báðum stöðum er rekin undir vörumerkinu Icelandic Mountain Guides, einu af rótgrónustu og virtustu vörumerkjum landsins í ævintýra- og jöklaferðaþjónustu.
Á Adventure Ground er fjölbreytt afþreyingarstarfsemi, meðal annars fjórhjólaferðir, buggybílaferðir og rútuferðir á Sólheimasandi ásamt jöklagöngum og kayakferðum á Sólheimajökli. Í stórbrotinni náttúru Skaftafells er boðið upp á jöklagöngur og íshellaferðir.
Við leitum að einstaklingi með góðan rekstrarskilning og ríka leiðtogahæfni sem getur mótað öflug teymi og fengið fólk með sér í lið. Starfið felur í sér ábyrgð á daglegum rekstri og stjórnun, áætlanagerð og áframhaldandi þróun starfseminnar. Starfið hentar einstaklingi sem býr yfir lausnamiðaðri hugsun, sterkri skipulagshæfni og getu til að taka upplýstar ákvarðanir í hröðu og krefjandi rekstrarumhverfi.
Starfsstöð er á Ytri Sólheimum í Mýrdalssveit og er möguleiki á leigu á nýlegu og rúmgóðu einbýlishúsi með þremur svefnherbergjum samkvæmt nánara samkomulagi.
Hjá Icelandia færðu tækifæri til að leiða öflug teymi og hafa raunveruleg áhrif á upplifun þúsunda gesta sem heimsækja Ísland á hverju ári.
- Leiðir daglegan rekstur og stjórnun Adventure Ground og Skaftafells, þ.m.t. verkaskiptingu, innkaup, viðhald, viðgerðir og framkvæmd ferða.
- Ber ábyrgð á rekstrar-, mannafla- og kostnaðaráætlunum og eftirfylgni þeirra.
- Tryggir að öryggiskröfur, verklag og gæðastaðlar séu virtir í allri starfseminni.
- Skipuleggur mannafla og stuðlar að skilvirkri nýtingu starfsfólks í samræmi við umfang starfseminnar.
- Ber ábyrgð á rekstrarárangri, kostnaðareftirliti og hámörkun afkomu og nýtingu auðlinda.
- Leiðir og styður stjórnendur og starfsfólk og stuðlar að jákvæðri vinnustaðamenningu, góðu upplýsingaflæði og árangursríku samstarfi.
- Vinnur markvisst að umbótum, þróun og bestun rekstrar, ferla og þjónustu.
- Tekur virkan þátt í þróun núverandi og nýrra afþreyingarvara.
- Fylgist með lykilmælikvörðum og grípur til aðgerða sem bæta árangur, gæði og skilvirkni.
- Tryggir gott samstarf milli starfsstöðva og við aðrar deildir og stoðsvið fyrirtækisins.
- Háskólamenntun sem nýtist í starfi t.d. á sviði rekstrar, stjórnunar eða ferðaþjónustu.
- Reynsla af rekstri, stjórnun starfsfólks og mannaflaáætlanagerð.
- Góð rekstrarleg og fjárhagsleg hugsun og hæfni til áætlanagerðar og eftirfylgni.
- Góð yfirsýn, skipulagshæfni og geta til að forgangsraða verkefnum og taka ákvarðanir í síbreytilegu og krefjandi rekstrarumhverfi.
- Árangursdrifni og reynsla af árangursstjórnun og notkun lykilmælikvarða til að styðja ákvarðanatöku.
- Góð almenn tölvukunnátta og hæfni til að nýta tækni, stafræn verkfæri og gervigreind til að efla og bæta rekstur.
- Framúrskarandi leiðtoga- og samskiptahæfni.
- Sjálfstæð, skipulögð og lausnamiðuð vinnubrögð.
- Rík öryggis- og gæðisvitund.
- Mjög góð enskukunnátta í ræðu og riti. Góð íslenskukunnátta er kostur.
- Reynsla af ferðaþjónustu, afþreyingu eða sambærilegum rekstri er mikill kostur.
- Möguleiki á nýlegu húsnæði á staðnum samkvæmt nánara samkomulagi.
- Krefjandi og fjölbreytt stjórnendahlutverk hjá leiðandi ferðaþjónustufyrirtæki.
- Tækifæri til að hafa áhrif á þróun, uppbyggingu og framtíð starfseminnar.
- Sveigjanlegt vinnuumhverfi.
Enska
Íslenska
