Sérfræðingur í uppgjörum
Hafnarfjarðarbær óskar eftir því að ráða sérfræðing í uppgjörum inn í bókhalds- og uppgjörsdeild á fjármálasviði. Sérfræðingur í uppgjörum vinnur uppgjör í samvinnu við deildarstjóra bókhalds- og uppgjörsdeildar og sviðsstjóra fjármálasviðs.
Um er að ræða nýtt og spennandi starf innan bókhalds- og uppgjörsdeildar og mun viðkomandi bera ábyrgð á þróun uppgjörsvinnu hjá sveitarfélaginu. Í deildinni vinna þrír starfsmenn auk deildarstjóra. Bókhalds- og uppgjörsdeild er ein fimm deilda inn á fjármálasviði, hinar eru fjárreiðudeild, hagdeild, launadeild og innkaupadeild. Á fjármálasviði starfa 17 starfsmenn.
Helstu verkefni eru:
- að hafa umsjón, eftirlit og ábyrgð með uppgjörum bæjarins
- að hafa umsjón með frágangi við ársfjórðungs-, árshluta- og ársuppgjör bæjarins
- að hafa umsjón með uppgjörskerfi bæjarins, Case Ware
- að hafa umsjón með skýrslugerð og greinargerðum með uppgjörum s.s. ársskýrslu og sjálfbærniskýrslu
- að vinna ýmsa greiningarvinnu í tengslum við uppgjör bæjarins
- að vera ráðgjafandi í tengslum við uppgjörsmál
- önnur verkefni í tengslum við uppgjör sem yfirmaður felur starfsmanni
Menntunar- og hæfniskröfur:
- Háskólamenntun í viðskiptafræði og framhaldsmenntun í endurskoðun
- Reynsla af gerð ársreikninga og samstæðureikninga er skilyrði
- Reynsla af gerð ársreikninga sveitarfélaga er kostur
- Þekking og reynsla af bókhaldi er skilyrði
- Framúrskarandi tölvukunnátta, þ.m.t. kunnátta á fjárhagskerfi, Excel, Power Bi
- Þekking á uppgjörskerfinu Case Ware er kostur
- Góð þekking á lögum og reglum um bókhald og reikningsskil er skilyrði
- Þekking á kröfum um sjálfbærniupplýsingar í ársskýrslum er kostur
- Greiningarhæfni, nákvæmni og skipulögð vinnubrögð
- Jákvæðni, þjónustulund og lausnamiðuð hugsun
- Frumkvæði og sjálfstæði í starfi
- Geta til að vinna undir álagi
Nánari upplýsingar um starfið veitir Andri Berg Haraldsson, deildarstjóri bókhalds- og uppgjörsdeildar, [email protected]
Laun eru skv. kjarasamningi Sambands íslenskra sveitarfélaga við BHM.
Umsóknarfrestur er til og með 5. apríl 2024.
Greinargóð ferilskrá og kynningarbréf fylgi umsókn.
Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.
