Samgöngustofa

Samgöngustofa er stjórnsýslustofnun samgöngumála sem annast eftirlit með flugi, siglingum og umferð. Á hverjum degi erum við að læra hvert af öðru og sinna viðskiptavinum af kostgæfni með það að markmiði að verða betri og betri.

Vinnustaðurinn

Sérfræðingur í skipatæknideild

Samgöngustofa leitar að öflugum og metnaðarfullum sérfræðingi til starfa á skipatæknideild. Starfið er fjölbreytt og krefjandi innan alþjóðlegs starfsumhverfis og felst í faglegu eftirliti með skipum. Við leitum að einstaklingi með öguð vinnubrögð, tæknilega innsýn og góða samskiptahæfni sem nýtist í fjölbreyttu og þverfaglegu samstarfi.

Helstu verkefni og ábyrgð

Yfirferð og mat á hönnunargögnum skipa til samræmis við viðeigandi lög og reglur, þar á meðal teikningar og önnur tæknigögn vegna nýsmíða, breytinga, viðgerða og innflutnings.
Eftirlit með og framkvæmd mælinga á skipum ásamt útgáfu mælibréfa.
Þátttaka í útreikningum og greiningu á stöðugleika skipa og framkvæmd hallaprófana.
Virk samskipti og samvinna við hönnuði, skipasmíðastöðvar innanlands og erlendis, útgerðir og viðurkennda skoðunaraðila.
Þátttaka í þróun verklags innan vottaðs gæðakerfis og öðrum verkefnum í samstarfi við deildarstjóra.

Menntunar- og hæfniskröfur

Háskólamenntun í skipa- og vélaverkfræði, skipatækni eða annarri sambærilegri verk- eða tæknigrein.
Nákvæmni og skipulagshæfni í vinnubrögðum.
Góð hæfni í gagnrýninni hugsun og greiningu tæknilegra gagna.
Frumkvæði og sjálfstæði í starfi.
Góð samskipta- og samvinnuhæfni, bæði á íslensku og ensku.
Sterk ferla- og umbótahugsun.

Við leitum að einstaklingi með öguð vinnubrögð, tæknilega innsýn og góða samskiptahæfni sem nýtist í fjölbreyttu og þverfaglegu samstarfi.

Auglýsing birt28. ágúst 2025

Umsóknarfrestur8. september 2025

Tungumálahæfni