Laus störf Hæfnileit Vinnustaðir Námskeið

Seðlabanki Íslands

Seðlabanki Íslands er sjálfstæð stofnun í eigu ríkisins sem heyrir undir forsætisráðherra. Markmið bankans er að stuðla að stöðugu verðlagi, fjármálastöðugleika og traustri og öruggri fjármálastarfsemi. Þá skal bankinn sinna viðfangsefnum sem samrýmast hlutverki hans sem seðlabanka, svo sem að varðveita gjaldeyrisforða og stuðla að virku og öruggu fjármálakerfi. Hjá Seðlabankanum starfar öflug liðsheild og leggur bankinn ríka áherslu á metnaðarfullt og hvetjandi starfsumhverfi sem einkennist af trausti, fagmennsku, þekkingu og framsækni.

Vinnustaðurinn

Sérfræðingur í lífeyris- og vátryggingaáhættu

Seðlabanki Íslands óskar eftir að ráða talnaglöggan og nákvæman sérfræðing til þess að sinna greiningu og eftirliti með lífeyris- og vátryggingaáhættu í deild fjárhagslegra áhættuþátta á sviði varúðareftirlits.

Um er að ræða fjölbreytt starf þar sem tækifæri gefst til þess að öðlast djúpa þekkingu á banka-, lífeyris- og vátryggingamarkaði auk þess að geta haft áhrif á hvernig eftirliti með aðilum á fjármálamarkaði er háttað.

Svið varúðareftirlits hefur eftirlit með starfsemi fyrirtækja á fjármála- og vátryggingamarkaði og starfsemi lífeyrissjóða. Deild fjárhagslegra áhættuþátta hefur meðal annars yfirsýn yfir þróun lausafjár og fjármögnunaráhættu, útlána- og samþjöppunaráhættu, líkana- og eiginfjáráhættu, lífeyristryggingaáhættu, vátryggingaáhættu, markaðsáhættu, eiginfjárgerningum og framsetningu á eiginfjár- og gjaldþolskröfum eftirlitsskyldra aðila. Þá tekur svið varúðareftirlits þátt í mati á kerfisáhættu, í samvinnu við fjármálastöðugleikasvið bankans.

Helstu verkefni og ábyrgð

Greiningar og eftirlit með lífeyristrygginga- og vátryggingaáhættu, þ.m.t. lágmarkstryggingavernd lífeyrissjóða og eftirlit með aðferðafræði og forsendum við að besta mat vátryggingaskuldar
Eftirlit með gjaldþolskröfum vátryggingafélaga
Þróun á aðferðafræði Seðlabankans við mat á lífeyris- og vátryggingaáhættu
Endurbætur og þróun greiningarlíkana og framsetning á niðurstöðum með greiningartækjum
Þátttaka í vettvangsathugunum sem tengjast lífeyrissjóðum og vátryggingafélögum
Þátttaka í norrænu og alþjóðlegu samstarfi, m.a. hjá Evrópsku vátrygginga- og lífeyrissjóðaeftirlitsstofnuninni (EIOPA)

Menntunar- og hæfniskröfur

Háskólamenntun sem nýtist í starfi, s.s. verkfræði, stærðfræði, tölfræði eða sambærilegt
Þekking á lífeyris- og vátryggingamarkaði er kostur
Rík greiningarhæfni er nauðsynleg
Reynsla af gagnagreiningu og framsetningu niðurstaðna æskileg
Þekking á forritun í R, Python eða sambærilegu er kostur
Þekking á gagnagrunnum og SQL er kostur
Lipurð í mannlegum samskiptum og hæfni til að vinna með öðrum
Frumkvæði, öguð vinnubrögð, ábyrgð, sjálfstæði og metnaður í starfi
Hæfni til að tjá sig og miðla upplýsingum í ræðu og riti á íslensku og ensku

Frekari upplýsingar veita Gísli Óttarsson framkvæmdastjóri varúðareftirlits ([email protected]) og Unnur Helgadóttir mannauðsráðgjafi á sviði mannauðs og menningar ([email protected]). Umsóknarfrestur er til og með 9. september.

Um er að ræða 100% starfshlutfall með starfsstöð í Reykjavík. Sækja má um starfið á heimasíðu Seðlabanka Íslands, www.sedlabanki.is/storf. Með umsókn þarf að fylgja ferilskrá og kynningarbréf þar sem gerð er grein fyrir ástæðu umsóknar og hæfni viðkomandi til að gegna starfinu rökstudd.

Við ráðningar í störf hjá Seðlabanka Íslands er tekið mið af jafnréttisstefnu og jafnréttisáætlun bankans og er fólk af öllum kynjum hvatt til að sækja um. Laun greiðast samkvæmt kjarasamningi samtaka starfsmanna fjármálafyrirtækja. Umsóknir gilda í sex mánuði og öllum umsóknum verður svarað þegar ákvörðun um ráðningu hefur verið tekin.

Auglýsing birt30. ágúst 2024

Umsóknarfrestur9. september 2024

Tungumálahæfni