Laus störf Hæfnileit Vinnustaðir Námskeið

Landspítali

Landspítali er lifandi og fjölbreyttur vinnustaður þar sem yfir 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að veitt sé framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Vinnustaðurinn

Sérfræðingur í hjúkrun sjúklinga með krabbamein

Laust er til umsóknar starf sérfræðings í hjúkrun með sérþekkingu á hjúkrun sjúklinga með krabbamein.

Sérfræðingur í hjúkrun starfar samkvæmt starfslýsingu s.s. í klíník, við kennslu, fræðslu og ráðgjöf, við þróunar-, gæða- og rannsóknarstörf sem og vera leiðandi í sinu sérsviði. Starfið felur enn fremur í sér uppbyggingu og skipulagningu á þverfaglegri þjónustu við einstaklinga með krabbamein og þeirra fjölskyldur í samvinnu við lækna deildarinnar og deildarstjóra

Á dag- og göngudeild blóð- og krabbameinslækninga er veitt fjölbreytt og sérhæfð þjónusta fyrir einstaklinga með krabbamein. Mikil áhersla er á teymisvinnu. Góður starfsandi er ríkjandi og ótalmörg tækifæri eru til vaxtar í starfi. Unnið er markvisst með uppbyggingu deildarinnar og samstarf/teymisvinnu starfsstétta.

Ráðið er í starfið frá 1. janúar 2025 eða samkvæmt nánara samkomulagi.

Menntunar- og hæfniskröfur

Meistara- eða doktorspróf í hjúkrun

Íslenskt sérfræðileyfi í hjúkrun með áherslu á hjúkrun sjúklinga með krabbamein

Starfsreynsla í hjúkrun

Krafist er reynslu í teymisvinnu

Framúrskarandi samskiptahæfileikar

Framúrskarandi íslenskukunnátta

Helstu verkefni og ábyrgð

Þróun hjúkrunar og þjónustu innan sérgreinar

Frumkvæði og innleiðing nýrra verkferla

Kennsla og fræðsla

Ráðgjöf til sjúklinga og heilbrigðisstarfsfólks

Rannsóknir og gæðastörf

Þróun göngudeildarþjónustu

Klínísk störf eftir atvikum

Innleiðing og nýting stafrænna lausna í samskiptum við sjúklinga

Starfshlutfall: 80-100%

Laun samkvæmt gildandi kjarasamningi sem fjármála- og efnahagsráðherra og Félag íslenskra hjúkrunarfræðinga hafa gert.

Allar umsóknir þurfa að fara rafrænt í gegnum ráðningarkerfi ríkisins. Fylgiskjöl skulu vera á pdf formi.

Í umsóknarformið skal skrá inn upplýsingar um:

Fyrri störf, menntun og hæfni
Félagsstörf og umsagnaraðila

Nauðsynleg fylgiskjöl:

Vottað afrit af prófskírteinum og starfsleyfum
Ferilskrá þar sem tilgreind er reynsla af kennslu, rannsóknum, gæða- og þróunarverkefnum
Kynningarbréf með rökstuðningi fyrir hæfni og sýn á starfið

Ákvörðun um ráðningu í starfið byggist á innsendum gögnum og viðtölum. Öllum umsóknum verður svarað. Tekið er mið af jafnréttisstefnu Landspítala við ráðningar á spítalanum.

Landspítali er lifandi og fjölbreyttur vinnustaður þar sem um 7000 einstaklingar starfa í þverfaglegum teymum og samstarfi ólíkra fagstétta. Framtíðarsýn Landspítala er að þar sé veitt framúrskarandi heilbrigðisþjónusta byggð á vísindum, fagmennsku og umhyggju, öflugu fagfólki og studd með umgjörð og aðbúnaði sem sómi er að.

Landspítali hefur hlotið jafnlaunavottun samkvæmt jafnlaunastaðlinum ÍST85:2012, úttekt framkvæmd af Versa vottun ehf.

Umsóknir geta gilt í 6 mánuði frá því að umsóknarfrestur rennur út, sbr. 2. gr. reglna nr. 464/1996, um auglýsingar á lausum störfum með síðari breytingum.

Starfsmerkingar: Heilbrigðisþjónusta, hjúkrunarfræðingur, sérfræðingur í hjúkrun, hjúkrun

Tungumálahæfni: íslenska 5/5

Nánari upplýsingar

Þórunn Sævarsdóttir, [email protected], 825-3523

Halldóra Hálfdánardóttir, [email protected], 698-1347

Dag- og göngudeild blóð- og krabbameinslækninga

Hringbraut

101 Reykjavík

Auglýsing birt21. nóvember 2024

Umsóknarfrestur9. desember 2024

Tungumálahæfni

Íslenska

Nauðsyn

Framúrskarandi

Staðsetning

Hringbraut 37-41 37R, 101 Reykjavík

Starfstegund

Starfsgreinar

Starfsmerkingar

Fleiri störf (32)