Ritari - aðstoð

Við leitum að áreiðanlegum og sveigjanlegum ritara sem einnig er tilbúinn til að aðstoða við önnur tilfallandi verkefni. Um 80-100% dagvinnustarf er að ræða og er staðan laus nú þegar.

Á Reykjalundi er unnið í þverfaglegri teymisvinnu þar sem áhersla er lögð á skjólstæðingsmiðaða nálgun og heildræna sýn.

Helstu verkefni ritara eru skrásetningar í sjúkraskrá, pantanir á hjúkrunar- og skrifstofuvörum fyrir deildina ásamt þjónustu við sjúklinga. Viðkomandi þarf að vera tilbúinn til að aðstoða við að fylgja sjúklingum á milli meðferðaraðila innan Reykjalundar sem og að sjá um kaffiaðstöðu á deild auk annarra tilfallandi verkefna.

Hæfniskröfur:

• Framúrskarandi hæfni í mannlegum samskiptum.
• Góð tölvuþekking er skilyrði.
• Heilbrigðisritaranám er kostur.
• Þekking á sjúkraskrárkerfinu Saga er kostur.
• Frumkvæði, sjálfstæði og skipulagshæfileikar.

Mötuneyti er á staðnum og aðgengi starfsfólks að heilsurækt og sundlaug.

Laun byggja á kjarasamningi Sameykis og SFV, auk stofnanasamnings Sameykis og Reykjalundar.

Upplýsingar um starfið veita Helga Pálmadóttir deildarstjóri og sviðsstjóri hjúkrunar í síma 585-2105, netfang: [email protected] og Guðbjörg Gunnarsdóttir mannauðsstjóri, netfang: [email protected]