Þjóðskjalasafn Íslands

Þjóðskjalasafn Íslands er öflug stjórnsýslu- og menningarstofnun sem varðveitir heimildir um sögu og samtíma Íslands og sér um framkvæmd opinberrar skjalavörslu og skjalastjórnar. Nú standa yfir mestu breytingar í starfsemi Þjóðskjalasafns um langt skeið, þar sem áhersla er lögð á stafræna umbreytingu, örugga varðveislu, gott aðgengi og sjálfbærni. Hjá Þjóðskjalasafni starfa tæplega 50 manns.

Vinnustaðurinn

Rekstrarstjóri upplýsingatækni

Þjóðskjalasafn Íslands auglýsir laust til umsóknar nýtt starf rekstrarstjóra upplýsingatækni. Leitað er að drífandi einstaklingi í spennandi starf hjá öflugri menningar- og stjórnsýslustofnun sem varðveitir heimildir um sögu þjóðarinnar og leiðir skjalavörslu og skjalastjórn hins opinbera.

Um 50 manns starfa hjá Þjóðskjalasafni. Um þessar mundir standa yfir miklar breytingar í starfseminni og því um spennandi tækifæri að ræða fyrir kraftmikinn aðila. Nánari upplýsingar um starfsemina má finna á vefnum skjalasafn.is.

Rekstrarstjóri upplýsingatækni er hluti af öflugu teymi á skrifstofu rekstrar. Undir skrifstofuna falla fjármál, mannauðsmál, gæðamál, upplýsingatækni, upplýsingaöryggi, skjalamál, húsnæðismál og öryggismál.

Helstu verkefni og ábyrgð

Rekstur á miðlurum og gagnagrunnum (kerfisstjórn)
Rekstur útstöðva og annars notendabúnaðar
Rekstur hugbúnaðarkerfa í samstarfi við fageiningar og birgja
Eftirfylgni með uppfærslum á stýrikerfi og hugbúnaði frá þriðja aðila
Uppsetning á vélbúnaði og hugbúnaði
Tæknilegur stuðningur, notendaþjónusta og fræðsla fyrir starfsfólk
Samskipti við birgja í upplýsingatækni
Verkefnastýring verkefna í upplýsingatækni
Vinna við stöðugar úrbætur á sviði upplýsingaöryggis

Menntunar- og hæfniskröfur

Reynsla af rekstri kerfa til a.m.k. þriggja ára skilyrði
Menntun á sviði tölvunarfræði, verkfræði, tæknifræði eða kerfisstjórnun mikill kostur
Þekking á Windows og Windows Server stýrikerfum skilyrði
Þekking á RedHat og/eða Debian ættuðum Linux stýrikerfum æskileg
Þekking á gagnagrunnum (Microsoft SQL Server, Oracle, MySQL og/eða PostgreSQL) og rekstri þeirra er mikill kostur
Þekking á rekstri netkerfa og þráðlauss aðgangsbúnaðar og þekking á uppbyggingu víð- og staðarnets er skilyrði
Reynsla af öryggisvöktun (SIEM) og samstarfi við öryggisvöktunarsetur (SOC) er æskileg
Reynsla af notkun á umsýsluhugbúnaði fyrir útstöðvar og miðlara er skilyrði
Reynsla af stöðugum úrbótum á sviði upplýsingaöryggis skilyrði
Reynsla af þjónustustörfum er mikill kostur
Skipulagshæfni, frumkvæði í starfi og sjálfstæði í vinnubrögðum
Mjög góð færni í mannlegum samskiptum
Mjög góð íslensku- og enskukunnátta í ræðu og riti

Laun samkvæmt gildandi kjarasamningi sem fjármála- og efnahagsráðherra og Viska - stéttarfélag hafa gert.

Umsókn skal fylgja ítarleg náms- og starfsferilskrá og kynningarbréf á íslensku þar sem gerð er grein fyrir ástæðu umsóknar ásamt rökstuðningi um færni viðkomandi til að gegna starfinu. Mat á hæfni umsækjenda byggist á innsendum gögnum og viðtölum við umsækjendur. Öllum umsóknum verður svarað þegar ákvörðun um ráðningu liggur fyrir. Umsóknir geta gilt í sex mánuði frá því að umsóknarfrestur rennur út. Tekið er mið af jafnréttisstefnu Þjóðskjalasafns Íslands við ráðningu í starfið.

Auglýsing birt8. október 2025

Umsóknarfrestur20. október 2025

Tungumálahæfni