NPA miðstöðin

NPA miðstöðin aðstoðar fatlað fólk og aðstandendur við það utanumhald og þá umsýslu sem fylgir því að hafa notendastýrða persónulega aðstoð. NPA miðstöðin veitir m.a. ráðgjöf, heldur fræðslunámskeið, greiðir aðstoðarfólki laun og sér um launatengd mál. Notendastýrð persónuleg aðstoð (NPA) er þjónustuform sem byggir á hugmyndafræðinni um sjálfstætt líf og gerir fötluðu fólki kleift að ráða hvar það býr og með hverjum það býr. Fatlað fólk stýrir því hvernig aðstoðin er skipulögð, hvenær hún fer fram, hvar hún fer fram og hver veitir hana. Persónulegt aðstoðarfólk aðstoðar NPA notendur við sitt daglega líf, svo það hafi sömu möguleika og ófatlað fólk.

Vinnustaðurinn

Ráðagóður ráðgjafi óskast!

Hefur þú áhuga á mannréttindum og sjálfstæðu lífi? Vegna aukinna umsvifa óskar NPA miðstöðin eftir öflugri manneskju í ráðgjafahópinn sinn

Starfið felst í því að veita núverandi og væntanlegum notendum með notendastýrða persónulega aðstoð (NPA) hjá NPA miðstöðinni ráðgjöf er varðar skipulag og framkvæmd aðstoðarinnar. Starfið er spennandi, fjölbreytt og lærdómsríkt og er unnið í lifandi starfsumhverfi sem varðar mikilvæg mannréttindi fatlaðs fólks.

Unnið er á hefðbundnum skrifstofutíma, en vinnutími getur verið að einhverju leyti sveigjanlegur. Sérstaklega verður horft til umsækjenda sem hafa persónulega reynslu af NPA eða sambærilegu og tekið er fagnandi á móti umsóknum frá fötluðu fólki.

Helstu verkefni og ábyrgð

Ráðgjöf og samskipti við félagsfólk og NPA aðstoðarfólk ásamt ýmis konar verkefnum er snúa að framkvæmd NPA, hugmyndafræðinni um sjálfstætt líf og fleira.
Aðstoða félagsfólk við að auglýsa eftir og ráða aðstoðarfólk og skipuleggja vaktir.
Taka á móti erindum sem berast miðstöðinni og svara fyrirspurnum.
Taka þátt í almennum störfum og verkefnum á vegum NPA miðstöðvarinnar.
Leiðbeina, styðja og hvetja félagsfólk.
Virkja sjálfstæði og sjálfsákvörðunarrétt félagsfólks.

Menntunar- og hæfniskröfur

Háskólamenntun á sviði félagsvísinda sem nýtist í starfi er æskileg, til dæmis í fötlunarfræðum, náms- og starfsráðgjöf, þroskaþjálfun, iðjuþjálfun eða félagsráðgjöf.
Þjónustulund og jákvætt viðmót.
Færni og lipurð í mannlegum samskiptum.
Sjálfstæði, framtakssemi og ábyrgð í starfi.
Sveigjanleiki og aðlögunarhæfni í ólíkum verkefnum og breytilegu starfsumhverfi.
Góð almenn tölvukunnátta.
Hreint sakavottorð.

Fríðindi í starfi

Stytting vinnuvikunnar. - Fullt starf á skrifstofu er 36 klst. á viku.

NPA miðstöðin er vaxandi samvinnufélag í eigu fatlaðs fólks og er rekin án ágóðasjónarmiða. Félagsfólk miðstöðvarinnar á það sameiginlegt að vera með þjónustu í formi notendastýrðrar persónulegrar aðstoðar eða beingreiðslna og vinnur saman í gegnum miðstöðina sem umsýsluaðili þjónustunnar.

Miðstöðin annast einnig margvíslega hagsmunagæslu, fræðslu og ráðgjöf. Hlutverk NPA miðstöðvarinnar er enn fremur að vinna að framgangi hugmyndafræðinnar um sjálfstætt líf og innleiðingu notendastýrðrar persónulegrar aðstoðar á Íslandi.

NPA miðstöðin flutti á árinu 2020 í nýtt og glæsilegt húsnæði í Urðarhvarfi í Kópavogi þar sem öll aðstaða er til fyrirmyndar.

Auglýsing stofnuð15. mars 2024

Umsóknarfrestur26. apríl 2024

Tungumálakunnátta