Öflugur og úrræðagóður aðili í fjölbreytt störf hjá Landhelgisgæslunni

Landhelgisgæsla Íslands leitar að úrræðagóðum, þjónustulunduðum og sveigjanlegum aðila til að starfa við annars vegar umsjón og afgreiðslu rekstrarvöru- og fatalagers og hins vegar vöktun á Faxagarði með varðskipum stofnunarinnar.

Helstu verkefni og ábyrgð

Umsjón rekstrarvöru- og fatalagers, innkaup og afgreiðsla. Meðal verkefna eru:
- Innkaup á rekstrarvöru og einkennisfötum og aðstoð við innkaup vegna varðskipa
- Afgreiðsla af lager og samskipti við bæði birgja og starfsfólk
Vöktun á Faxagarði og aðgangsstýring. Meðal verkefna eru:
- Almenn öryggisgæsla og umsjón með bryggju og skipakosti
- Almenn umhirða á bryggjunni og landfestar við komu og brottför
Önnur tilfallandi störf eftir atvikum

Menntunar- og hæfniskröfur

Framúrskarandi samskipta- og samstarfshæfni
Frumkvæði og drifkraftur
Skipulögð, sjálfstæð og öguð vinnubrögð
Jákvæðni, þjónustulund og gott álags- og streituþol
Góð íslensku- og enskukunnátta í ræðu og riti
Góð almenn tölvukunnátta
Bílpróf er skilyrði
Þekking á skipum og skiparekstri æskileg

Umsækjendur þurfa að standast kröfur Landhelgisgæslunnar um líkamlegt og andlegt atgervi. Einnig skulu starfsmenn uppfylla skilyrði fyrir öryggisheimild samanber varnarmálalög nr. 34/2008 og reglugerð nr. 959/2012

Laun samkvæmt gildandi kjarasamningi sem fjármála- og efnahagsráðherra og Sameyki hafa gert.

Vegna eðlis starfseminnar er gert ráð fyrir að viðkomandi sinni bakvöktum að jafnaði eina viku í mánuði vegna varðskipa við bryggju og sé þá til taks ef sinna þarf brýnum erindum. Starfið krefst þess að viðkomandi sé í góðu líkamlegu formi og viðhafi snyrtimennsku og góða umgengni.

Um Landhelgisgæslu Íslands:

Landhelgisgæsla Íslands er borgaraleg öryggis-, eftirlits- og löggæslustofnun sem sinnir öryggisgæslu og björgun á hafi úti og fer með löggæslu á hafinu. Samkvæmt lögum nr. 52/2006 um Landhelgisgæslu Íslands er henni falið að gæta ytri landamæra og standa vörð um fullveldisrétt Íslands á hafsvæðinu kringum landið. Landhelgisgæslan fer með daglega framkvæmd öryggis- og varnarmála sbr. varnarmálalög nr. 34/2008, þ.m.t. er rekstur öryggissvæða, mannvirkja, kerfa, stjórnstöðvar NATO/LHG og ratsjár- og fjarskiptastöðva.Hjá Landhelgisgæslunni starfar um 260 manna samhentur hópur sem hefur að leiðarljósi slagorðið: Við erum til taks. Gildi Landhelgisgæslunnar eru: Öryggi - Þjónusta - FagmennskaNánari upplýsingar um Landhelgisgæslu Íslands má finna á: www.lhg.is

Umsóknarfrestur er til og með 6. janúar 2026. Umsókn skal fylgja ítarleg starfsferilskrá og kynningarbréf þar sem gerð er grein fyrir ástæðu umsóknar og hæfni umsækjanda sem nýtist í starfi. Umsóknir gilda í sex mánuði frá dagsetningu auglýsingar. Landhelgisgæslan starfar samkvæmt jafnréttisstefnu og er jafnlaunavottuð. Allir áhugasamir einstaklingar, óháð kyni, eru hvattir til að sækja um.

Starfshlutfall er 100%

Umsóknarfrestur er til og með 06.01.2026

Nánari upplýsingar veitir

Höskuldur Ólafsson

Tæknistjóri Landhelgisgæslu Íslands

Tölvupóstur: [email protected]

Auglýsing birt12. desember 2025

Umsóknarfrestur6. janúar 2026

Tungumálahæfni