Laus störf Hæfnileit Vinnustaðir Námskeið

Vatn & veitur

Vatn & veitur hf var stofnað árið 2010. Frá stofnun þess hefur það sérhæft sig í sölu og þjónustu til fagmanna á pípulagninga- og veitumarkaði. Árið 2017 sameinaðist fyrirtækið Efnissölu G.E.Jóhannssonar undir nafni Vatns & veitna. Efnissala G.E.Jóhannsson hóf starfsemi árið 1978 sem verktaka- og innflutnings fyrirtæki, en síðar varð starfsemin einskorðuð við heildsölu og innflutning á lagnaefni og hreinlætistækjum. Sameinað fyrirtæki er í dag rekið sem sjálfstæð rekstrareining en er hluti af Fagkaup ehf og er í eigu þess. Fyrirtækið rekur verslanir að Smiðjuvegi 68-72 ásamt vöruhúsi, verslun Bolafæti 1 í Reykjanesbæ, að Austurvegi 69, Selfossi og Óseyri 1a, Akureyri. Sjá nánar á vefsíðu fyrirtækisins www.vatnogveitur.is

Vinnustaðurinn

Hópstjóri vöruhúss hjá Vatni og veitum (Ísleifur og S. Guðjónsson)

Vatn & veitur Kópavogi óskar eftir metnaðarfullum og duglegum hópstjóra vöruhúss á Smiðjuvegi.

Um framtíðartíðarstarf er að ræða fyrir réttan aðila.

Vatn og veitur rekur verslun fyrir fagfólk auk vöruhúss.

Um er að ræða fjölbreytt og áhugavert starf. Við leggjum mikið upp úr góðum starfsanda þar sem frábær hópur starfsfólks vinnur sem ein heild og hefur það að markmiði að veita framúrskarandi þjónustu. Ef þú ert til í skemmtilegt, lifandi og fjölbreytt starf þá er þetta tækifærið. Kostur að viðkomandi geti hafið störf sem fyrst og unnið er úr umsóknum jafnóðum og þær berast. Reynsla af starfi í vöruhúsi er kostur.

Farið er með umsóknir sem trúnaðarmál.

Við hvetjum áhugasama að sækja um óháð aldri, kyni eða uppruna.

Helstu verkefni og ábyrgð

Verkstjórn í vöruhúsi og daglegt skipulag
Tiltekt pantana og pökkun
Mótttaka vöru
Samskipti við samstarfsfólk og viðskiptavini
Önnur tilfallandi verkefni í samvinnu við yfirmann

Menntunar- og hæfniskröfur

Bílpróf skilyrði og lyftarapróf kostur
Reynsla af starfsmannahaldi
Rík þjónustulund
Öguð og vönduð vinnubrögð
Stundvísi og góð framkoma
Góð íslenskukunnátta
Frumkvæði og sjálfstæði
Hreint sakavottorð
Snyrtimennska

Fríðindi í starfi

Niðurgreiddur hádegismatur
Líkamsræktarstyrkur
Öflug félagslíf og virkt starfsmannafélag

Að auki bjóðum við:

Góðan vinnustað þar sem lögð er rækt við vellíðan og vöxt starfsfólks
Frábæra vinnufélaga og góðan starfsanda
Árlega heilsufarsskoðun og heilsueflingu
Afsláttarkjör af vörum félagsins
Ýmsa viðburði á vegum fyrirtækisins ásamt virku starfsmannafélagi

Fagkaup á og rekur verslunar- og þjónustufyrirtækin Vatn og veitur, Johan Rönning, Sindra, S. Guðjónsson, KH-vinnuföt, Fossberg, Hagblikk, Varma og vélaverk, Ísleif, DS lausnir og Áltak.
Hjá Fagkaupum starfa um 320 starfsmenn í Reykjavík, Kópavogi, Fjarðabyggð, Reykjanesbæ, Hafnarfirði, Grundartanga, Selfossi og Akureyri.

Fagkaup starfrækir vottað jafnlaunakerfi og hefur skuldbundið sig til að greiða jöfn laun fyrir sömu eða jafnverðmæt störf. Auk þess hefur Fagkaup hlotið vottun skv. ISO 9001 gæðastaðlinum.

Eitt af lykilmarkmiðunum er að fara fram úr væntingum viðskiptavina. Til að ná þeim markmiðum er hæft starfsfólk mikilvægur partur í daglegum störfum Fagkaupa.
Lögð er áhersla á góðan starfsanda og góðan aðbúnað starfsfólks. Starfsþróun og tækifæri til vaxtar þar sem fræðsla til starfsfólks er lykilþáttur í að auka þekkingu starfsfólk og efla í daglegum störfum.

Frekari upplýsingar um fyrirtækið má finna á www.vatnogveitur.is og einnig á www.fagkaup.is

Unnið er úr umsóknum jafnóðum og kostur ef viðkomandi getur hafið störf sem fyrst.

Farið er með umsóknir sem trúnaðarmál.

Auglýsing birt1. desember 2025

Umsóknarfrestur18. desember 2025

Tungumálahæfni