Stangaveiðifélag Reykjavíkur var stofnað 17. maí árið 1939 og var tilgangur þess til að byrja með að halda utan um leigu á Elliðaánum. Síðan þá hefur félagið vaxið og dafnað í áranna rás og er nú leigutaki af fjölda veiðisvæða um allt land. Félagsmenn eru á fjórða þúsund og því lang stærsta veiðifélag landsins. Markmið félagsins eru að útvega félagsmönnum veiðileyfum á hagstæðu verði. Félagið býður þó ekki bara veiðileyfi til sölu því í félaginu er öflugt félagsstarf og í gegnum barna- og unglingastarfið hafa ótal margir veiðimenn stigið sín fyrstu skref í veiðinni auk þess sem félagið gefur út Veiðimanninn.