Leikskólinn Hulduberg

Leikskólinn Hulduberg hefur verið starfræktur frá 2. nóvember 1999. Deildirnar eru 6 talsins og heita Álfaberg, Flikruberg, Móberg, Silfurberg, Stuðlaberg og Tröllaberg. Stefna leikskólans er að veita hverju barni umhyggju, stuðning og öryggi í gegnum þroskandi og heilsueflandi umhverfi. Markmiðin okkar eru: Barnið er alltaf í brennidepli. Skapa umhverfi sem eflir alhliða þroska barnsins. Nám barnsins fer fram í gegnum leikinn. Hafa málhvetjandi umhverfi, til að stuðla að eðlilegri færni í íslensku. Leikskólinn sé heilsueflandi. Á leikskólanum ríkir jákvæðni, umhyggja, virðing og framsækni. Börnin öðlast festu og öryggi í leikskólanum. Allt starf leikskólans sé í nánu samstarfi við foreldra. Foreldrar séu okkar samstarfsaðilar í umönnun barnanna og við veitum þeim stuðning í foreldrahlutverkinu.

Vinnustaðurinn

Leikskólastjóri óskast í leikskólann Hulduberg

Mosfellsbær óskar eftir að ráða öflugan leiðtoga í stöðu leikskólastjóra leikskólans Huldubergs. Leitað er að lausnamiðuðum og drífandi einstaklingi með brennandi áhuga á vellíðan og farsæld barna, framsækinni skólaþróun og framúrskarandi leikskólastarfi.

Hulduberg er heilsueflandi leikskóli þar sem gert er ráð fyrir um 100 börnum á aldrinum 1-3 ára og tekur starfsemin mið af menntastefnu Mosfellsbæjar, Heimurinn er okkar.

Helstu verkefni og ábyrgð

Stjórnun og ábyrgð á daglegum rekstri, þjónustu og starfsemi skólans
Fagleg forysta á sviði kennslu og skólaþróunar
Ábyrgð á mannauðsmálum, s.s. ráðningum, vinnutilhögun og starfsþróun
Að leikskólinn starfi samkvæmt viðeigandi lögum og reglugerðum, aðalnámskrá leikskóla og menntastefnu sveitarfélagsins
Virkt og gott samstarf við alla aðila skólasamfélagsins

Menntunar- og hæfniskröfur

Leyfi til að nota starfsheitið kennari og kennslureynsla á leikskólastigi
Viðbótarmenntun á sviði stjórnunar eða önnur framhaldsmenntum sem nýtist í starfi er æskileg
Leiðtoga- og stjórnunarhæfni, reynsla af stjórnun er æskileg
Reynsla af faglegri forystu og þróun í leikskólastarfi
Sjálfstæði í störfum, ríkt frumkvæði, lausnamiðuð hugsun og jákvætt viðmót
Færni til að leita nýrra leiða í leikskólastarfi og leiða framsækna skólaþróun
Færni í áætlanagerð og fjármálastjórnun er æskileg
Framúrskarandi lipurð, hæfni og virðing í samskiptum ásamt góðu orðspori
Hæfni til að tjá sig í ræðu og riti á íslensku og ensku

Fríðindi í starfi

Samgöngustyrkur
Líkamsræktarstyrkur
Sundkort
Afsláttur til starfsfólks af vistunargjöldum í leikskóla

36 stunda vinnuviku er náð með 38 stunda vinnuframlagi vikulega. Starfsfólk safnar því tveimur stundum vikulega sem nýttir eru sem frí á skráningardögum leikskóla Mosfellsbæjar.

Um er að ræða framtíðarstarf í 100% starfshlutfalli. Laun fyrir starfið eru samkvæmt kjarasamningi Sambands íslenskra sveitarfélaga og KÍ og FSL.

Umsóknarfrestur er til og með 26. maí 2025.

Umsókn skal fylgja yfirlit yfir nám og fyrri störf, afrit af leyfisbréfi ásamt kynningarbréfi (á íslensku) þar sem kemur meðal annars fram framtíðarsýn umsækjanda fyrir leikskólann.

Nánari upplýsingar um starfið veita Ólöf Kristín Sívertsen, sviðsstjóri fræðslu- og frístundasviðs, [email protected] og Kristján Þór Magnússon, sviðsstjóri mannauðs og starfsumhverfis, [email protected]. Einnig er hægt að hringja í síma 525-6700.

Mosfellsbær leggur áherslu á jafnrétti og hvetur öll áhugasöm til að sækja um starfið.

Auglýsing birt13. maí 2025

Umsóknarfrestur26. maí 2025

Tungumálahæfni