Leikskólakennari / leiðbeinandi Reykjavík
Leikskólinn Árborg í Árbæ
Leikskólakennari/leiðbeinandi óskast til starfa í leikskólann Árborg, við erum til húsa í leikskólahluta Selásskóla, 110 Reykjavík. Leikskólinn Árborg er 3ja deilda leikskóli og felst laus staða í vinnu á deild 3-6 ára nemenda.
Málörvun er ein af okkar helstu áherslum og vinnum við leik og starf með sérstaka áherslu á málörvun. Við vinnum meðal annars með Lubba og Sólskinsstundir, þróunarverkefni skólans í markvissri málörvun. Við erum einnig með ýmis fjölbreytt verkefni, listsköpun, dans, tónlist, útikennslu svo fátt eitt sé nefnt. Við leikum okkur úti alla daga.
Einnig leggjum við mikla áherslu á virðingu, fallega framkomu og gott og öflugt foreldrasamstarf.
- Starfið er laust frá og með 10. ágúst eða eftir samkomulagi.
- Að vinna að uppeldi og menntun leikskólabarna samkvæmt stefnu og skipulagi skólans undir stjórn deildarstjóra.
- Að sinna fjölbreyttum verkefnum er varða kennslu, umönnun og uppeldi nemenda.
- Foreldrasamstarf, sveigjanleiki og hjálpsemi í starfi er varðar samvinnu á milli deilda.
- Að sinna ýmsum störfum innan leiksólans sem yfirmaður felur honum. Næsti yfirmaður er deildarstjóri.
- Leikskólakennaramenntun eða önnur menntun og reynsla sem nýtist í starfi
- Virðing og áhugi fyrir börnum
- Góð íslenskukunnátta skilyrði
- Jákvæðni og lausnarmiðað viðhorf
- Góð færni í samvinnu og samskiptum
- Reynsla af vinnu með ungum börnum æskileg
- Afsláttur af leikskólagjöldum í Reykjavík
- Ókeypis bókasafnskort og frítt á söfn með Menningarkortinu
- Ókeypis í sundlaugar Reykjavíkurborgar með S-kortinu
- Stytting vinnuvikunnar þar sem í leikskólanum Árborg er 38 klst vinnuvika fullt starf.
- Árlegur heilsuræktarstyrkur þegar þú hefur starfað í 6 mánuði
ÍslenskaMjög góð
