Laus störf Hæfnileit Vinnustaðir Námskeið

Mosfellsbær

Mosfellsbær er sjöunda stærsta bæjarfélag á Íslandi með rúmlega 14.000 íbúa. Sveitarfélagið er staðsett í útjaðri höfuðborgarsvæðisins. Mosfellsbær byggir þjónustu sína á áhugasömu og hæfu starfsfólki sem hefur tækifæri til að rækta þekkingu sína og færni í jákvæðu starfsumhverfi. Mosfellsbær er öflugt og framsækið sveitarfélag þar sem gildin virðing, jákvæðni, framsækni og umhyggja eru leiðarljós starfsmanna í daglegu starfi. Hjá Mosfellsbæ starfa um 1200 starfsmenn. Fjölskylduvæn og sveigjanleg mannauðsstefna styður við þá hugmyndafræði að Mosfellsbær sé eftirsóknarverður vinnustaður þar sem atvinna og fjölskylduábyrgð fara saman. Mosfellsbær er heilsueflandi samfélag sem miðar að því að þróa samfélagslegan ramma utan um markvissa og heildræna heilsueflingu, en verkefninu er ætlað að ná til allra aldurshópa í samfélaginu, bæði íbúa og starfsmanna.

Vinnustaðurinn

Leiðtogi íþrótta- og lýðheilsumála í Mosfellsbæ

Mosfellsbær auglýsir laust starf íþrótta- og lýðheilsufulltrúa. Leitað er eftir leiðtoga til að hafa forystu við uppbyggingu á sviði íþróttamála, lýðheilsu og almenningsíþrótta.
Fyrir dyrum stendur mikil uppbygging á aðstöðu fyrir íþróttafólk og íbúa í Mosfellsbæ. Íþrótta- og lýðheilsufulltrúi mun gegna lykilhlutverki í þeirri upp uppbyggingu í samvinnu við starfsmenn, íbúa, Aftureldingu og önnur íþróttafélög.
Um er að ræða fjölbreytt og krefjandi verkefni á menningar-, íþrótta- og lýðheilsusviði Mosfellsbæjar. Leitað er eftir áhugasömum og sjálfstæðum einstaklingi með mikla þekkingu, viðeigandi reynslu og brennandi áhuga á íþrótta- og lýðheilsumálum. Þá þarf viðkomandi að búa yfir getu til að leiða teymisvinnu og virkt samstarf við aðila innan og utan sveitarfélagsins.

Helstu verkefni og ábyrgð

Leiðandi þátttaka í undirbúningi stefnumörkunar á sviði íþrótta- og lýðheilsumála í samvinnu við íþrótta- og tómstundanefnd.
Að hafa frumkvæði að nýjungum á sviði íþrótta- og lýðheilsumála og stuðla að skipulögðu starfi fyrir alla aldurshópa.
Leiðandi í uppbyggingu á aðstöðu fyrir íþróttafólk og íbúa í Mosfellsbæ.
Ábyrgð á framkvæmd aðgerðaáætlunar lýðheilsu- og forvarnarstefnu Mosfellsbæjar.
Greining og miðlun upplýsinga á sviði íþrótta- og lýðheilsumála.
Undirbúningur og eftirfylgni við fjárhagsáætlun á sviði íþrótta- og lýðheilsumála.
Yfirumsjón með rekstri og skipulagningu starfs í íþróttamannvirkjum í samvinnu við stjórnendur, starfsmenn og íþróttafélög.
Að styðja við og eiga frumkvæði að þróun samvinnu sveitarfélagsins við íþróttafélög í bænum og laða aðila til samstarf um lýðheilsuverkefni þvert á allt sveitarfélagið.

Menntunar- og hæfniskröfur