Sjúkratryggingar Íslands

Sjúkratryggingar er lykilstofnun í íslensku heilbrigðiskerfi. Við tryggjum réttindi sjúkratryggðra og aðgengi að góðri og hagkvæmri heilbrigðisþjónustu með það markmið að leiðarljósi að vernda heilbrigði og jafnan aðgang að heilbrigðisþjónustu óháð efnahag. Sjúkratryggingar vinna í verkefnamiðuðu vinnuumhverfi þar sem rík áhersla er lögð á góðan aðbúnað starfsmanna. Boðið er upp á sveigjanlegan vinnutíma, fjarvinnu allt að 2 daga í viku auk þess sem starfsfólk nýtur hlunninda á borð við íþróttastyrk og samgöngustyrk vegna vistvænna samgangna. Stofnunin hefur undanfarin ár tekið þátt í verkefninu um styttingu vinnuvikunnar og er vinnuvikan 36 stundir.

Vinnustaðurinn

Leiðandi sérfræðingur á Samningasviði

Vilt þú vinna í spennandi og síbreytilegu umhverfi þar sem þú tekur þátt í að þróa og efla íslenska heilbrigðisþjónustu?

Sjúkratryggingar Íslands auglýsa starf sérfræðings á Samningasviði. Samningateymi stofnunarinnar semur um kaup á heilbrigðisþjónustu fyrir hönd ríkisins, s.s. um þjónustu heilsugæslustöðva, sjálfstætt starfandi heilbrigðisstarfsfólks, öldrunarþjónustu, sjúkraflutninga og hjálpartækja. Verkefni teymisins eru bæði ögrandi og spennandi og krefjast þess að geta unnið sjálfstætt sem og í teymum ásamt því að geta þrifist undir álagi á erilsömum dögum.

Helstu verkefni og ábyrgð

Í starfinu felst að vera í forsvari við samningagerð og bera leiðandi hlutverk í samningaviðræðum. Starfið felur einnig í sér frumathuganir vegna nýrrar þjónustu, setu í samstarfsnefndum vegna tiltekinna samninga og þátttöku í úttektum á samningum.

Samstarf við samningsaðila og stofnanir
Úrvinnsla upplýsinga tengdum samningum
Kostnaðarmat, mat á umfangi og kostnaðargreining samninga
Mat á árangri og framkvæmd samninga

Menntunar- og hæfniskröfur

Háskólamenntun sem nýtist í starfi
Reynsla af stjórnun og stýringu verkefna
Reynsla af opinberum innkaupum er kostur
Reynsla af því að leiða samningaviðræður er kostur
Reynsla af störfum innan heilbrigðisþjónustu er kostur
Mjög gott vald á íslensku í mæltu og rituðu máli
Gott vald á ensku í mæltu og rituðu máli
Frumkvæði, metnaður og geta til að vinna undir miklu álagi
Góð samskipta- og aðlögunarhæfni og lausnarmiðað hugarfar
Geta til að starfa bæði sjálfstætt og í hópi

Laun samkvæmt gildandi kjarasamningi sem fjármála- og efnahagsráðherra og viðkomandi stéttarfélag hafa gert.

Umsókn þarf að fylgja ítarleg starfsferilskrá og sérstakt kynningarbréf þar sem gerð er grein fyrir hæfni umsækjanda sem nýtist í starfi. Æskilegt er að viðkomandi geti hafið störf sem fyrst. Áhugasamir einstaklingar, óháð kyni eru hvattir til að sækja um starfið.

Sótt er um starfið á Starfatorgi ríkisins á www.starfatorg.is. Öllum umsóknum verður svarað þegar niðurstaða um ráðningu liggur fyrir. Ráðning tekur mið af jafnréttisáætlun stofnunarinnar. Umsókn gildir í 6 mánuði frá lokum umsóknarfrests. Upplýsingar um stofnunina má finna á heimasíðu hennar www.sjukra.is

Einnig kemur til greina að ráða í starf sérfræðings án leiðandi hlutverks.

Auglýsing birt15. október 2024

Umsóknarfrestur28. október 2024

Tungumálahæfni