Kópavogsbær

Kópavogur er næststærsta sveitarfélag landsins með rúmlega 40 þúsund íbúa. Nafn bæjarins er dregið af jörðinni Kópavogi sem ríkissjóður átti í byrjun síðustu aldar og leigði út ásamt annarri jörð Digranesi í nágrenni hennar. Kópavogshreppur var stofnaður í byrjun árs 1948 og voru íbúar þá rúmlega 900. Hreppurinn óx hratt og voru íbúar orðnir 3.783 þegar Kópavogur hlaut kaupstaðarréttindi 11. maí árið 1955. Í Kópavogi er mikil og fjölbreytt atvinnustarfsemi. Mest er um iðnað, þjónustu og verslun af ýmsu tagi og má geta þess að Smáralind er stærsta verslunarmiðstöð landsins. Í bænum eru fjölbreytt tækifæri til útivistar og aðstaða til íþróttaiðkunar er með því besta sem þekkist. Þá eru Kópavogsbúar afar stoltir af menningarstofnunum sínum á Borgarholtinu, svo sem Salnum, Gerðarsafni, Náttúrufræðistofu Kópavogs, Tónlistarsafni Íslands og Molanum, ungmennahúsi Kópavogs.

Vinnustaðurinn

Kennsluráðgjafi í skólaþjónustu grunnskóladeildar

Menntasvið Kópavogsbæjar óskar eftir kennaramenntuðum einstaklingi til að vinna í teymi sérfræðinga innan skólaþjónustu. Um er að ræða ráðgjafateymi sem vinnur með stjórnendum og kennurum við grunnskóla Kópavogs að velferð nemenda.  

Ráðgjafar teymis veita stuðning og leiðbeiningar til kennara og starfsfólks skóla sem miðar að því að efla skólastarf á faglegan hátt til að leysa viðfangsefni sem upp koma.

Helstu verkefni og ábyrgð

Veitir ráðgjöf og handleiðslu til skólastjórnenda, kennara og starfsfólks um skólastarf, inntak þess og skipulag
Veitir handleiðslu og ráðgjöf í einstaklingsmálum og situr teymisfundi
Veitir handleiðslu og ráðgjöf til kennara og starfsfólks vegna bekkjarstjórnunar, kennsluhátta/kennsluaðferða eða samskipta
Vinnur með fjölbreytta kennsluhætti, einstaklingsnámskrár og hvetjandi námsumhverfi
Tekur þátt í innleiðingu á Menntastefnu Kópavogsbæjar og framkvæmd stefnu um menntun fyrir alla
Tekur þátt í innleiðingu á lögum um samþætta þjónustu í þágu farsældar barna
Fylgist með rannsóknum og miðlar nýjungum varðandi þarfir barna og skólastarf

Menntunar- og hæfniskröfur

Kennaramenntun og leyfisbréf kennara
Framhaldsmenntun (M.A., M.Ed., M.S.) á sviði uppeldis- og menntunarfræða eða önnur menntun sem nýtist í starfi
Haldgóð reynsla af kennslu í grunnskóla, 3 ár eða meira.
Reynsla af handleiðslu og ráðgjöf til kennara og starfsfólks.
Góð innsýn í lög um samþætta þjónustu í þágu farsældar barna.
Innsýn í stefnumarkandi þætti á sviði menntamála og breytingaferli.
Framúrskarandi færni í mannlegum samskiptum
Frumkvæði, lausnamiðuð hugsun og metnaður til að ná árangri í starfi
Sjálfstæði í vinnubrögðum og skipulagshæfileikar
Færni til að tjá sig bæði í ræðu og riti