Hagar

Hugbúnaðarsérfræðingar – vef- og applausnir

Vilt þú taka þátt í stafrænni vegferð Haga og dótturfélaga og móta þannig verslunarupplifun framtíðarinnar með okkur?Við leitum að öflugum og metnaðarfullum hugbúnaðarsérfræðingum til þess að verða hluti af stækkandi þróunarteymi Haga.

Viðkomandi munu taka þátt í spennandi nýþróun og daglegum rekstri hugbúnaðar á kjarnasviði Haga og dótturfélaga, auk þess að fá tækifæri til að móta menningu og vinnubrögð teymisins.

Helstu verkefni og ábyrgð

Þróun og innleiðing á vef- og app lausnum
Samþætting veflausna við aðrar lausnir (viðskiptakerfi og önnur kerfi)
Ráðgjöf og samvinna við dótturfélög Haga
Þátttaka í uppbyggingu vefteymis og mótun vinnubragða

Menntunar- og hæfniskröfur

Háskólamenntun sem nýtist í starfi
Reynsla af góðum vinnubrögðum í hugbúnaðarþróun
Þekking á þróun vefverslana
Þekking á Adobe Commerce og PHP er kostur

Hagar hf. er leiðandi verslunarfyrirtæki sem starfar á íslenskum dagvöru- og eldsneytismarkaði. Hagar starfrækja samtals 38 matvöruverslanir undir vörumerkjum Bónus og Hagkaups og netverslun Eldum rétt, 25 Olís þjónustustöðvar, 42 ÓB stöðvar, umfangsmikla vöruhúsastarfsemi, birgðaverslun auk verslunar með sérvöru. Hjá Högum og dótturfélögum starfa um 2.600 manns sem hafa það að markmiði að stuðla að bættum lífskjörum viðskiptavina í gegnum framúrskarandi verslun.

Hjá Högum starfar sterk liðsheild, þar sem mikið er lagt upp úr góðum starfsanda og sjálfstæðum vinnubrögðum. Við leggjum áherslu á lifandi og skemmtilegt starfsumhverfi, sveigjanleika í starfi og starfsþróun með fjölbreyttum verkefnum og tækifærum.

Umsóknarfrestur er til og með 2. júlí nk.

Við hvetjum öll áhugasöm, óháð kyni og uppruna, til að sækja um.

Umsókn skal fylgja ferilskrá og ítarlegt kynningarbréf þar sem gerð er grein fyrir ástæðu umsóknar ásamt rökstuðningi um færni viðkomandi til að gegna starfinu.

Umsjón með starfinu hafa Garðar Ó. Ágústsson (gardar@vinnvinn.is) og Hilmar G. Hjaltason (hilmar@vinnvinn.is) hjá Vinnvinn.