Hljómahöll - Markaðs- og kynningarfulltrúi

Ert þú skapandi og skipulagður einstaklingur með brennandi áhuga á tónlist og menningu?

Hljómahöll óskar eftir kraftmiklum markaðs- og kynningarfulltrúa sem hefur metnað til að auka sýnileika hússins, Rokksafns Íslands og þeirra viðburða sem þar fara fram. Hljómahöll er lifandi hús þar sem fjölbreytt tónlistar- og menningarstarf fer fram allt árið. Ef þú sérð þig í þessu hlutverki og langar að starfa í kraftmiklu og skapandi umhverfi, þá hvetjum við þig til að sækja um!

Viðkomandi mun leiða markaðssetningu viðburða, salaleigu og starfsemi Rokksafns Íslands, sjá um samfélagsmiðla og heimasíður, og skipuleggja auglýsingaherferðir á öllum helstu miðlum, bæði stafrænum og hefðbundnum. Við leitum að skipulögðum einstaklingi með góða samskipta- og greiningarhæfni, reynslu af stafrænum markaðstólum (m.a. Meta Ads, Google Ads, Mailchimp) og hæfni til að vinna sjálfstætt. Reynsla af hönnun og efnisgerð er mikilvæg, sem og hæfni í íslensku og ensku. Starfið krefst sveigjanleika og viðkomandi þarf að geta unnið utan hefðbundins dagvinnutíma þegar viðburðir fara fram.