VIRK Starfsendurhæfingarsjóður

Hlutverk VIRK er að efla starfsgetu einstaklinga með heilsubrest sem stefna að aukinni þátttöku á vinnumarkaði. VIRK hefur í samstarfi við fagaðila, fyrirtæki og stofnanir skilað samfélagslegum ávinningi með aukinni þátttöku einstaklinga á vinnumarkaði og er leiðandi í rannsóknum og þróun á sviði starfsendurhæfingar. Að VIRK standa öll helstu samtök launamanna og atvinnurekenda á vinnumarkaði. VIRK er metnaðarfullur vinnustaður þar sem lögð er áhersla á jákvæðan starfsanda og sterka liðsheild. VIRK kappkostar að skapa jákvæða menningu með traustu fagfólki. Gildi VIRK eru Fagmennska, Virðing og Metnaður og er starfsfólk hvatt til að hafa gildin að leiðarljósi í störfum sínum.

Vinnustaðurinn

Heilbrigðisstarfsmaður í Þjónustuveri

VIRK leitar að jákvæðum, þjónustulunduðum og metnaðarfullum einstaklingi í starf Þjónustufulltrúa. Viðkomandi skal vera tilbúinn að takast á við fjölbreytt, krefjandi og gefandi starf í Þjónustuveri VIRK. Um er að ræða þjónustu, upplýsingagjöf og leiðsögn við einstaklinga í þjónustu hjá VIRK. Í starfinu felast einnig ýmis skrifstofustörf, innkaup og ýmis verkefni á mannauðssviði.

Vinnutími er kl. 8:00 – 16:00 mánudaga – fimmtudag, 8:00 – 15:00 á föstudögum.

Heilbrigðismenntun svo sem heilbrigðisgagnafræðingur eða sjúkraliði er skilyrði.

Æskilegt er að umsækjandi geti byrjað sem fyrst.

Farið er með allar umsóknir sem trúnaðarmál og öllum umsóknum verður svarað.

Helstu verkefni og ábyrgð

Þjónusta, upplýsingagjöf og leiðsögn fyrir einstaklinga í þjónustu og gesti
Svörun í síma og rafrænt, móttaka erinda, miðlun og skráning í kerfi VIRK
Úthringingar og bókanir vegna viðtala
Umsjón með biðstofum, fundarherbergjum og kaffistofu
Innkaup á rekstrarvörum og ferðapantanir
Ýmis önnur tilfallandi verkefni í samstarfi við mannauðsstjóra

Menntunar- og hæfniskröfur

Menntun á heilbrigðissviði, t.d. heilbrigðisgagnafræðingur eða sjúkraliði
Mikil og góð reynsla af þjónustu- og skrifstofustörfum
Mjög góð samskiptahæfni
Trúnaður, heilindi og metnaður í starfi
Frumkvæði og sjálfstæð vinnubrögð
Jákvætt viðhorf og sveigjanleiki – vera til í allt
Góð kunnátta í íslensku og ensku
Góð almenn tölvukunnátta, reynsla af skráningarvinnu æskileg
Hreint sakavottorð

Upplýsingar veitir

Sólmundur Már Jónsson, mannauðsstjóri, solmundur@virk.is, s. 840 5781

Umsóknarfrestur er til og með 7. júlí 2024.

Umsóknir óskast fylltar út á alfred.is.

Umsókn þarf að fylgja starfsferilsskrá og einnar blaðsíðu kynningarbréf þar sem á skýran hátt er gerð grein fyrir því hvernig viðkomandi uppfyllir hæfnikröfur starfsins.

Auglýsing stofnuð28. júní 2024

Umsóknarfrestur7. júlí 2024

Tungumálahæfni