Frístundamiðstöðin Tjörnin

Tjörnin er frístundamiðstöð Vesturbæjar, Miðborgar og Hlíða. Tjörnin býður börnum og unglingum í þessum borgarhluta upp á fjölbreytt félags- og tómstundastarf þar sem áhersla er lögð á forvarnir og að beina þeim inn á braut heilbrigðs og jákvæðs lífernis. Uppbygging þjónustu í frítímanum er ein af kröfum nútímans. Þar á að vera vettvangur tómstunda, menntunar, menningar og uppeldis undir handleiðslu hæfra starfsmanna. Foreldar eru hvattir til að fylgjast nánar með starfssemi Tjarnarinnar á facebook sem og á heimasíðum hvers frístundaheimilis og félagsmiðstöðvar fyrir sig. Í öllum starfseiningum Tjarnarinnar er unnið með lýðræði, mannréttindi og þátttöku. Í frístundaheimilum eru barnaráð sem hafa það hlutverk að koma skoðunum og hugmyndum barnanna á framfæri og virkja þau í að taka þátt í lýðræðissamfélagi.

Vinnustaðurinn

Frístundaleiðb. m. stuðning í frístundaheimili Tjarnarinnar

Frístundamiðstöðin Tjörnin leitar að áhugasömu starfsfólki í hlutastörf á frístundaheimilum sínum í vetur, en starfið hefst 22. ágúst. Á frístundaheimilunum er boðið upp á fjölbreytt tómstundastarf þegar hefðbundnum skóladegi 6-9 ára barna lýkur um 13:30 og er starfið kjörið fyrir þau sem eru í skóla og leita að skemmtilegu hlutastarfi með námi eða þau sem vilja vinna í 50% starfi eftir hádegi.

Meginmarkmið starfsins er að efla félags- og samskiptafærni barna í gegnum leik og starf og að virkja þau til þátttöku. Hæft og áhugasamt starfsfólk er lykillinn að því að veita börnunum og foreldrum sem sækja þjónustu til frístundamiðstöðvarinnar Tjarnarinnar fyrsta flokks þjónustu og gegna hæfir og áhugasamir frístundaleiðbeinendur/frístundaráðgjafar þar veigamiklu hlutverki.

Frístundamiðstöðin Tjörnin starfrækir frístundaheimilin Draumaland við Austurbæjarskóla, Eldflaugina við Hlíðaskóla, Frostheima, safnfrístund fyrir 3. og 4. bekk í Vesturbæ, Halastjörnuna við Háteigsskóla, Selið við Melaskóla, Skýjaborgir við Vesturbæjarskóla og Undraland við Grandaskóla en leitað er eftir fólki á alla þessa staði. Umsækjendur geta tekið fram í umsókn hvort einn staður henti betur en annar.

Frístundamiðstöðin Tjörnin heyrir undir skóla- og frístundasvið Reykjavíkurborgar, sem leggur áherslu á starfsþróun og vellíðan starfsfólks og við störfum samkvæmt menntastefnu Reykjavíkurborgar

Vakin er athygli á stefnu Reykjavíkurborgar um jafnan hlut kynja í störfum og að vinnustaðir endurspegli það margbreytilega samfélag sem borgin er.

Helstu verkefni og ábyrgð

* Vinna samkvæmt samþykktri einstaklingsáætlun.
* Veita einstaklingsbundinn stuðning í samræmi við leiðbeiningar foreldra, forstöðumann og ráðgjafaþroskaþjálfa.
* Skipulagning á faglegu frístundastarfi fyrir 6-9 ára börn.
* Leiðbeina börnum í leik og starfi.
* Samráð og samvinna við börn og annað starfsfólk.
* Samskipti og samstarf við foreldra, starfsfólk skóla og aðra sem koma að frístundaheimilinu.

Menntunar- og hæfniskröfur

* Menntun eða reynsla sem nýtist í starfi.
* Áhugi á að vinna með fötluðum börnum.
* Frumkvæði og sjálfstæði.
* Færni í samskiptum.
* Íslenskukunnátta á stigi A2 samkvæmt evrópska tungumálarammanum.

Í boði eru hlutastörf 20-50% eftir hádegi.
Viðkomandi þarf að geta hafið störf sem fyrst frá og með 22. ágúst
Hreint sakavottorð í samræmi við lög sem og reglur Reykjavíkurborgar.

Sótt er um starfið með því að fara inn á þessa vefslóð:

Skemmtileg hlutastörf frístundaleiðbeinenda með stuðning í frístundaheimilum í Vesturbæ, Miðborg og Hlíðum í boði hjá frístundamiðstöðinni Tjörninni | Reykjavik

Laun eru samkvæmt samningi Reykjavíkurborgar og Sameykis

Nánari upplýsingar um starfið veitir Steinunn Gretarsdóttir,

tölvupóstur steinunn.gretarsdottir@rvkfri.is,

Tjörnin - Barnastarf

Auglýsing birt20. september 2024

Umsóknarfrestur31. október 2024

Tungumálahæfni