Deildarstjóri frístunda barna og unglinga
Fjarðabyggð óskar eftir að ráða í spennandi starf deildarstjóra frístunda barna og unglinga. Fjarðabyggð rekur félagsmiðstöðvastarf í sex kjörnum sveitarfélagsins fyrir börn á aldrinum 10-16 ára þar sem vettvangur er fyrir skemmtilegt og fjölbreytt tómstundastarf.
Markmið starfsins er að gefa börnum og unglingum tækifæri til að stunda skapandi og þroskandi félagsstarf í heilbrigðu umhverfi. Deildarstjórinn ber ábyrgð á að skipuleggja starf félagsmiðstöðva og verður hluti af stjórnendateymi íþrótta- og tómstundadeildar.
Um er að ræða 100% starf. Vinnutíminn er mestmegnis virka daga ásamt einstökum kvöldvöktum og ferðum á vegum Samfés (Landssamband félagsmiðstöðva og ungmennahúsa) og viðburða tengt starfinu.
Fjarðabyggð er öflugt, vaxandi samfélag sem leggur áherslu á velferð og málefni fjölskyldna og barna. Á fjölskyldusviði er lögð áhersla á þverfaglega vinnu og stuðning starfsmanna í teymisstarfi við úrlausn margþættra verkefna sem tengjast fjölskyldum og börnum með það markmið að efla lífsgæði og hagsæld þeirra.
- Skipulagning á faglegu starfi félagsmiðstöðva ásamt að framkvæma og skipuleggja starfið í samvinnu við stjórnanda, starfsmönnum og börnum og unglingum.
- Umsjón með verkefninu heilsueflandi samfélags og eflir framgang þess.
- Sinna forvörnum með því að vera jákvæð fyrirmynd, fræða, fjalla um og hafa jákvæð áhrif á börn og unglinga með hin ýmsu málefni sem tengjast þeirra daglega lífi.
- Tekur þátt í skipulagningu námskeiða vinnuskólans.
- Er leiðbeinandi og veitir starfsmönnum leiðsögn og/eða tilsögn um framkvæmd vinnunar.
- Öflun og greining upplýsinga um forvarnarmál sveitarfélagsins.
- Þátttaka í stefnumörkun í forvarnarmálum.
- Frumkvæði að samskiptum og aðgerðum til að styrkja forvarnarmál og þjónustu í frístundum.
- Háskólamenntun á sviði uppeldis- og/eða menntamála er áskilin.
- Reynsla og áhugi af starfi með börnum og ungmennum.
- Þekking á helstu upplýsingakerfum.
- Góð málakunnátta (íslenska og enska) og hæfni til að setja fram mál í ræðu og riti.
- Skipulagshæfni, frumkvæði og sjálfstæði í vinnubrögðum.
- Hæfni í mannlegum samskiptum.
- Geta til að taka þátt í og stjórna breytingum.
- Áhugi á þátttöku í teymisstarfi og umbótaverkefnum.
- Íþrótta- og tómstundarstyrkur
- Vinnutímastytting