Forstöðumaður í búsetukjarna hjá Mosfellsbæ
Mosfellsbær óskar eftir að ráða öflugan, lausnamiðaðan og framsækin einstakling til að leiða starf í búsetukjarna fyrir fatlað fólk með hegðunarvanda. Búsetukjarninn var opnaður síðastliðið haust í nýju raðhúsi í Helgafellshverfinu og búa þar fimm einstaklingar.
Forstöðumaður ber ábyrgð á rekstri búsetukjarnans, starfsmannahaldi, innra skipulagi, faglegu starfi, vaktaskýrslugerð o.fl.
Forstöðumaður vinnur eftir lögum og reglugerðum í þjónustu við fatlað fólk og stefnu Mosfellsbæjar í málaflokknum. Búsetukjarninn veitir íbúum einstaklingsmiðaða þjónustu og leggur áherslu á að auka víðsýni þeirra með félagslegri virkni. Starfsmenn vinna eftir hugmyndafræði þjónandi leiðsagnar sem og þjónustu- og starfsáætlunum. Forstöðumaður leggur sig fram við að skapa öfluga liðsheild sem stuðlar að samræmdum einstaklingsmiðuðum vinnubrögðum til aukningar velferðar fyrir íbúana.
Mosfellsbær er öflugt og eftirsótt sveitarfélag þar sem gildin virðing, jákvæðni, framsækni og umhyggja eru leiðarljós starfsfólks í daglegu lífi.
- Utanumhald um rekstur og starfsmannamál
- Launavinnsla
- Skipuleggja faglegt starf
- Stýra innra starfi og bera ábyrgð á veittri þjónustu
- Samskipti við lykilaðila, s.s íbúa, aðstandendur, fagaðila og aðra hagaðila
- Ber ábyrgð á að starfsmenn vinni eftir hugmyndafræði Mosfellsbæjar í málaflokki fatlaðs fólks, stuðli að valdeflingu íbúa og veiti þeim góða þjónustu í samræmi við lög, reglur og alþjóðlegar skuldbindingar sem um starfssemina gilda
- Háskólapróf sem nýtist í starfi er skilyrði
- Reynsla af og metnaður fyrir starfi með fötluðu fólki
- Góðir skipulags- og stjórnunarhæfileikar
- Haldgóð reynsla af stjórnun og starfsmannahaldi
- Þekking á hugmyndafræði sjálfstæðs lífs, þjónandi leiðsagnar og valdeflingar
- Þekking á vaktavinnukerfi og/eða vaktavinnugerð, bókhaldskerfi og ráðningarkerfi eru kostur
- Þekking á opinberri stjórnsýslu er kostur
- Frumkvæði, sjálfstæði og nákvæmni í vinnubrögðum
- Mikil hæfni í samskiptum og leiðtogahæfileikar
- Mjög góð íslenskukunnátta
Íslenska
Enska
