Betri samgöngur ohf.

Betri samgöngur ohf. er opinbert hlutafélag sem stofnað var til að hrinda í framkvæmd uppbyggingu samgönguinnviða á höfuðborgarsvæðinu í samræmi við samgöngusáttmála sem ríkið annars vegar og sveitarfélögin á höfuðborgarsvæðinu hins vegar gerðu með sér. Félagið hefur yfirumsjón með framkvæmdum vegna uppbyggingar á samgöngum á höfuðborgarsvæðinu og fjármögnun þeirra. Markmið félagsins er að stuðla að greiðum, skilvirkum, hagkvæmum og öruggum samgöngum á höfuðborgarsvæðinu með jafnri uppbyggingu innviða allra samgöngumáta. Auk þess að vinna að auknu umferðaröryggi, stuðla að því að loftslagsmarkmiði um sjálfbært og kolefnislaust borgarsamfélag verði náð og að lýðheilsa verði efld. Félaginu er ætlað að tryggja samstarf milli ríkis og sveitarfélaga um skilvirka uppbyggingu samgönguinnviða. Félagið hefur yfirumsjón með framkvæmdunum og fjármögnun þeirra m.a. með yfirtöku og þróun á landi við Keldur í Reykjavík.

Vinnustaðurinn

Forstöðumaður hjóla- og göngustíga Samgöngusáttmálans

Betri samgöngur leita að árangursmiðuðum einstaklingi í starf forstöðumanns hjóla- og göngustíga Samgöngusáttmálans. Forstöðumaður tekur þátt í að leiða eitt stærsta framkvæmdaverkefni samtímans.

Helstu verkefni og ábyrgð

Stjórn undirbúnings og framkvæmda vegna hjóla- og göngustíga Samgöngusáttmálans.
Samræming viðmiða við hönnun stíga.
Forgangsröðun verkefna, umsjón með áætlanagerð og eftirfylgni áætlana.
Yfirumsjón framkvæmda og -eftirlits stíga í samvinnu við sveitarfélög og Vegagerðina.
Forsvar fyrir hjóla- og göngustíga á höfuðborgarsvæðinu með kynningum og samskiptum við hagaðila, svo sem almenning, sveitarfélög, ráðuneyti, opinberar stofnanir og fyrirtæki.
Önnur tilfallandi verkefni sem alla jafna falla undir sambærileg starfsvið.

Menntunar- og hæfniskröfur

Háskólapróf í verkfræði eða sambærilegu námi sem nýtist í starfinu.
Haldgóð þekking og reynsla á forsendum við hönnun og öryggi hjóla- og göngustíga.
Þekking á undirbúnings- og skipulagsferli sveitarfélaga.
Reynsla í verkefnastjórnun.
Framúrskarandi samskiptahæfileikar og jákvætt viðmót.
Drifkraftur, frumkvæði og metnaður til að ná árangri.
Góð færni til tjáningar í ræðu og riti á íslensku og ensku.

Markmið félagsins er að stuðla að greiðum, skilvirkum, hagkvæmum og öruggum samgöngum á höfuðborgarsvæðinu með jafnri uppbyggingu innviða allra samgöngumáta. Auk þess að vinna að auknu umferðaröryggi, stuðla að því að loftslagsmarkmiði um sjálfbært og kolefnislaust borgarsamfélag verði náð og að lýðheilsa verði efld. Félaginu er ætlað að tryggja samstarf milli ríkis og sveitarfélaga um skilvirka uppbyggingu samgönguinnviða.

Félagið hefur yfirumsjón með framkvæmdunum og fjármögnun þeirra m.a. með yfirtöku og þróun á landi við Keldur í Reykjavík.

Umsóknarfrestur er til og með 8. október.

Sótt er um starfið á www.vinnvinn.is

Umsókn skal fylgja ferilskrá og ítarlegt kynningarbréf þar sem gerð er grein fyrir ástæðu umsóknar og rökstuðningur um færni viðkomandi til að gegna starfinu og upplýsingar um árangur sem viðkomandi hefur náð og telur að nýtist í starfinu.

Umsjón með starfinu hefur Auður Bjarnadóttir (audur@vinnvinn.is) hjá Vinnvinn.

Auglýsing birt1. október 2024

Umsóknarfrestur8. október 2024

Tungumálahæfni