Forstöðumaður Tómstundaseturs – Mennta- og lýðheilsusvið

Tómstundasetur er ný starfsemi þar sem boðið er upp á frístunda- og tómstundastarf fyrir börn og ungmenni úr Hafnarfirði. Aðstaðan er í nýju húsnæði að Selhellu 7. Stór hluti þjónustunnar er frístundastarf fyrir framhaldsskólanema með fötlun sem fer fram að skóladegi loknum en auk þess fer annað fjölbreytt tómstunda- og félagsstarf fram í Tómstundasetrinu. Starfshópur á vegum Hafnarfjarðarbæjar vinnur að mótun starfseminnar.

Helstu verkefni og ábyrgð:

• Dagleg stjórnun og rekstur starfseminnar
• Skipulagning á starfsemi Tómstundaseturs
• Þátttaka í stefnumótun og forysta við þróun verkefna
• Ábyrgð á starfsmannamálum
• Samstarf við þjónustuþega og forráðamenn þeirra
• Önnur verkefni samkvæmt starfslýsingu og sem yfirmaður felur viðkomandi

Menntunar- og hæfniskröfur:

• BA gráða í þroskaþjálfafræði, tómstunda- og félagsmálafræði eða sambærileg menntun
• Meistaragráða í þroskaþjálfafræði, uppeldis- og menntunarfræði, tómstunda- og félagsmálafræði, fötlunarfræði eða stjórnun
• Reynsla af sambærilegu starfi ásamt reynslu af stjórnun með mannaforráð
• Góð reynsla af skipulagningu tómstundastarfs
• Frumkvæði, sjálfstæði og skipulagshæfni
• Framúrskarandi samskipta- og samstarfshæfni
• Þjónustulund og geta til að aðlagast breyttum aðstæðum
• Geta og áhugi á að valdefla samstarfsmenn og þjónustunotendur og vinna eftir lýðræðislegum starfsaðferðum
• Góð íslensku- og enskukunnátta
• Góð tölvukunnátta

Umsóknarfrestur er til og með 14. október 2024.

Umsókn skal fylgja ferilskrá og ítarlegt kynningarbréf þar sem gerð er grein fyrir hæfni umsækjanda sem nýtist í starfi. Öllum umsóknum verður svarað að ráðningu lokinni.

Skilyrði er að viðkomandi hafi hreint sakavottorð.

Nánari upplýsingar veita Geir Bjarnason íþrótta- og tómstundafulltrúi (geir@hafnarfjordur.is) s: 664-5754 og Thelma Kristín Kvaran (thelma@intellecta.is) í s:511-1225.

Laun eru samkvæmt kjarasamningi Sambands íslenskra sveitarfélaga við BHM.

Vakin er athygli á stefnu Hafnarfjarðarbæjar að jafna hlutfall kynjanna í störfum hjá bænum og að vinnustaðir bæjarins endurspegli fjölbreytileika samfélagsins.