Sensa ehf.

Sensa er alþjóðlegt þjónustufyrirtæki með starfsstöðvar í tólf löndum sem sérhæfir sig í fjölbreyttum lausnum í upplýsingatækni. Hjá Sensa starfar reynslumikill hópur sérfræðinga með hátt þekkingarstig. Við bjóðum upp á sveigjanlegt vinnuumhverfi þar sem reynt er að koma til móts við þarfir hvers og eins eftir bestu getu. Markmið Sensa er að vera ávallt í fararbroddi þar sem sterk liðsheild, hátt þekkingarstig og verðmæt viðskiptasambönd spila stórt hlutverk. Áhersla er lögð á að starfsfólk styrki sig í þekkingu og menntun með ýmsu móti og geti vaxið á eigin forsendum. Eigandi Sensa er norska fyrirtækið Crayon sem starfar í 46 löndum. Crayon býður ýmsar lausnir í upplýsingatækni og er Sensa virkur þátttakandi í þróun þeirra lausna og í þjónustu við fyrirtæki á alþjóðavettvangi.  

Vinnustaðurinn

Forritun og Arkitektúr

Viltu starfa sem forritari og vinna við fjölbreytt og spennandi verkefni?

Við leitum að forritara í þróunarteymið okkar til að sinna verkefnum sem snúa að ráðgjöf, forritun og hönnun á lausnum í .NET og React. Ef þú hefur brennandi áhuga á hugbúnaðargerð og vilt taka þátt í að móta framtíðarlausnir með nýjustu tækni, þá er þetta starfið fyrir þig.

Teymið býður upp á stafrænar lausnir og þjónustar mörg stærstu fyrirtæki landsins. Við hjálpum fyrirtækjum og stofnunum að tengja ferla sína við stafrænar umbætur ásamt því að veita ráðgjöf til að auka hagræðingu í rekstri og hámarka nýtingu tæknilegra auðlinda.

Verkefnin snerta meðal annars á eftirfarandi tækni:

.NET (C#)
React fyrir framenda þróun
Microsoft Azure þjónustur
SQL gagnagrunnar og gagnavinnsla
RESTful vefþjónustur og API hönnun
Git og DevOps verkfæri fyrir samvinnu og sjálfvirknivæðingu

Helstu verkefni og ábyrgð

Þróun og viðhald á vef- og hugbúnaðarlausnum í .NET og React
Hönnun og útfærsla á bakenda og framenda lausnum
Þátttaka í þarfagreiningu og lausnahönnun með teymi og viðskiptavinum
Notkun Agile aðferðafræði í þróunarvinnu
Taka þátt í stöðugri endurbótavinnu og deila þekkingu með teyminu

Menntunar- og hæfniskröfur

Reynsla af forritun í .NET og React
Háskólamenntun eða önnur menntun sem nýtist í starfi
Góð þekking á JavaScript/TypeScript og vefþróun
Reynsla af vinnu með gagnagrunna
Góð samskiptafærni og geta til að vinna í teymi
Áhugi á nýrri tækni og vilji til að læra og þróast í starfi
Kunnátta í DevOps og sjálfvirkni er kostur
Reynsla af Azure er kostur

Fríðindi í starfi

Samgöngustyrkur fyrir þá sem kjósa annan ferðamáta en einkabílinn
Íþróttastyrkur
Hjólageymsla, líkamsræktar- og sturtuaðstaða
Fyrsta flokks mötuneyti
Sveigjanlegur vinnutími og möguleikar á fjarvinnu

Sensa er leiðandi upplýsingatæknifyrirtæki þar sem sterk liðsheild, hátt þekkingarstig og framúrskarandi þjónusta eru höfð að leiðarljósi. Starfsfólk er um 160 talsins, staðsett í tólf löndum í fjórum heimsálfum. Mikil áhersla er lögð á velferð starfsmanna, góðan starfsanda og hvetjandi og skemmtilegt starfsumhverfi.  

Umsóknarfrestur er til og með 2. desember nk. en byrjað verður að vinna úr umsóknum um leið og þær berast.

Hjá Sensa leggjum við mikla áherslu á fjölbreytt vinnuumhverfi þar sem allir fá tækifæri til að njóta sín, óháð kyni, uppruna og bakgrunni.

Umsækjendur þurfa að skila inn sakavottorði.

Nánari upplýsingar um starfið veitir Andri Örvar Baldvinsson, í gegnum netfangið andri.baldvinsson@sensa.is

Einungis er tekið á móti umsóknum í gegnum umsóknarkerfi Alfreðs.

Auglýsing birt22. nóvember 2024

Umsóknarfrestur2. desember 2024

Tungumálahæfni