Forritari (Software Developer)

Ert þú drífandi manneskja með góða forritunarkunnáttu sem er spennt fyrir að vinna í sjálfstæðum hópi að fjármálahugbúnaði framtíðarinnar? Þá erum við hjá Five Degrees að leita að þér til að hanna, þróa og reka hugbúnaðarkerfi okkar.

Við nýtum okkur fyrst og fremst Microsoft tækni, svo sem C#, .net, SQL Server og Azure og erum stöðugt að leita nýrra leiða til að gera hlutina betur. Þar vonumst við til að þú getir orðið okkur að liði.

Til að koma til greina í starfið þarftu að hafa háskólagráðu í tölvunarfræði, hugbúnaðarverkfræði eða sambærilegri grein, eða hafa mjög góða þekkingu og reynslu af þeirri tækni sem við notum ásamt því að vera tilbúin til að læra. Starfsreynsla er kostur en ekki skilyrði og því hvetjum við bæði reynda og nýútskrifaða að sækja um.

Five Degrees á Íslandi

Five Degrees á Íslandi er leiðandi í gerð hugbúnaðar fyrir fjármálamarkað. Hugbúnaðurinn okkar er í notkun hjá flestum fyrirtækjum og stofnunum á íslenskum fjármálamarkaði. Hugbúnaðarlausnir Five Degrees einfalda alla umsýslu lána, verðbréfasafna, innlánsreikninga og greiðslusamninga.

Starfstöðvar á Íslandi eru tvær, í Kópavogi og á Akureyri. Á báðum stöðum er lagður mikill metnaður í gott starfsumhverfi og að verkefnin sem unnin eru séu bæði fjölbreytt og krefjandi.

Nánari upplýsingar: birna@fivedegrees.is