Snælandsskóli

Skólastarf í Snælandsskóla einkennist af góðum skólabrag sem grundvallast á gagnkvæmu trausti og virðingu í öllum samskiptum. Áhersla er lögð á að hver og einn þroski hæfileika sína á eigin forsendum. Í Snælandsskóla er unnið að heilbrigðum lífsháttum í sátt við náttúru og umhverfi. Skólastarf Snælandsskóla einkennist af skapandi starfsumhverfi og fjölbreyttum kennsluháttum sem byggja á vináttu og virðingu fyrir fólki, náttúru og umhverfi. Einkunnarorð skólans eru viska, virðing, víðsýni og vinsemd en þau eru leiðarljós fyrir allt starf skólans. Meginmarkmið Snælandsskóla eru að nemendur þroski hæfileika sína á eigin forsendum, að skólastarfið einkennist af skapandi starfsumhverfi og fjölbreyttum kennsluháttum sem byggi á vináttu og virðingu fyrir fólki, náttúru og umhverfi, og að nemendur tileinki sér heilbrigð lífsviðhorf og lífsstíl. Snælandsskóli er Réttindaskóli UNICEF en í því felst að byggja upp lýðræðislegt umhverfi, standa vörð um réttindi barna og rækta með markvissum hætti þekkingu, leikni og viðhorf sem hjálpar börnum að verða gagnrýnir, virkir og hæfir þátttakendur í samfélaginu okkar.

Vinnustaðurinn

Forfallakennari óskast í Snælandsskóla

Snælandsskóli er heildstæður um 450 nemenda grunnskóli staðsettur í Fossvogsdal. Skólinn byggir á langri hefð fyrir framsæknu og árangursríku skólastarfi þar sem áhersla hefur verið lögð á þátttöku í margs konar þróunar- og nýbreytniverkefnum í gegnum tíðina. Skólinn er Grænfána skóli í samvinnu við Landvernd, skólinn styðst við Olweusaráætlunina gegn einelti og þá er skólinn líka Réttindaskóli Unicef.

Einkunnarorð skólans eru: Viska – virðing – víðsýni – vinsemd.

Starfssvið og helstu verkefni

Snælandsskóli óskar eftir að ráða kennara í tilfallandi forföll út skólaárið.

Menntunar- og hæfniskröfur

Grunnskólakennari.

Kennslureynsla og/eða reynsla af starfi með börnum og unglingum er æskileg.

Þolinmæði og framúrskarandi hæfni í samskiptum.

Viðkomandi þarf að vera skipulagður, sýna sjálfstæði og frumkvæði í starfi.

Stundvísi og áreiðanleiki er skilyrði.

Áhugi á að vinna með fjölbreytta nemendahópa.

Umsækjandi þarf að vera tilbúinn að vinna eftir stefnu skólans.

Góð færni í íslensku er nauðsynleg.