Fjármálasérfræðingur

Fjármálasérfræðingur óskast í krefjandi, spennandi og fjölbreytt verkefni hjá Þjónustu- og nýsköpunarsviði Reykjavíkurborgar. Markmið starfsins er stuðningur við fjármálateymi við gerð fjárhags- og rekstraráætlana, fjárfestingar, uppgjör og rekstrareftirlit ásamt stefnumótun er varðar rekstur sviðsins. Sem fjármálasérfræðingur styður þú við stjórnendur og starfsfólk sviðsins með rekstraruppgjör og greiningar.

Helstu verkefni og ábyrgð

Vinna að rekstrareftirliti og greiningum á uppgjörum og rekstri
Vinna við fjárhags- og fjárfestingaráætlun Þjónustu- og nýsköpunarsviðs
Hafa umsjón með reikningagerð og innheimtu
Sjá um samþykkt reikninga
Taka þátt í stefnumótun í fjárhagsáætlanagerð
Taka þátt í þróun, nýsköpun og stefnumótun í áætlanagerð og nýtingu upplýsingatækni við greiningar og sjálfvirka skýrslugerð
Vinna að gjaldskrá og útkomuspám
Þróa lykiltölugreiningar og stjórnendaupplýsingar
Afla fjárhags- og rekstrarupplýsinga fyrir fagráð
Þátttaka í starfshópum og öðru þverfaglegu starfi á sviðinu
Hafa eftirlit með fjárfestingarsjóðum sviðsins og greining á notkun þeirra
Veita stjórnendum ráðgjöf um fjármál og rekstur
Sinna fræðslu til stjórnenda um fjárhags- og rekstrarleg málefni
Sinna öðrum tilfallandi verkefnum fjármálaþjónustu

Menntunar- og hæfniskröfur

Háskólagráða í viðskiptafræði eða hagfræði með áherslu á fjármál eða endurskoðun, tölfræði, uppgjör eða líkanagerð.
Reynsla af vinnu við uppgjör, áætlanagerð og stjórnun verkefna
Reynsla af líkanagerð, tölfræðispám eða sviðsmyndagerð er æskileg
Framúrskarandi færni í töflureiknum og greiningartækjum
Þekking og reynsla á Agresso eða sambærilegum fjármálakerfum sem og af málaskrárkerfum er kostur
Hæfni í greiningu flókinna viðfangsefna, tölulegra upplýsinga og miðlunar gagna
Lagni og nákvæmni við framsetningu fjárhagsupplýsinga
Framúrskarandi hæfni í mannlegum samskiptum og teymisvinnu
Þekking og/eða reynsla af fjármálaumhverfi sveitarfélaga og opinberri stjórnsýslu er kostur
Þekking og/eða reynsla af vinnu við eigna- og fjárfestingarsjóði er kostur
Skipulögð og fagleg vinnubrögð
Hæfni til að tileinka sér þekkingu á starfsemi og verkefnum sviðsins
Drifkraftur, frumkvæði og metnaður til að ná árangri í starfi
Góð íslenskukunnátta ásamt færni til að tjá sig í ræðu og riti

Æskilegt er að viðkomandi geti hafið störf sem fyrst.  Umsóknarfrestur er til 16. janúar 2025. Nánari upplýsingar um starfið veitir María Björk Hermannsdóttir fjármálastjóri í gegnum tölvupóstfangið Maria.Bjork.Hermannsdottir@reykjavik.is

Eftirfarandi gögn skulu fylgja umsókn:

Starfsferilsskrá
Kynningarbréf þar sem umsækjandi gerir grein fyrir áhuga og hæfni í starfið

Reykjavíkurborg er skapandi og metnaðarfullur vinnustaður ásamt því að vera sá stærsti á Íslandi.

Vakin er athygli á stefnu Reykjavíkurborgar um jafnan hlut kynja í störfum og að vinnustaðir borgarinnar endurspegli það margbreytilega samfélag sem borgin er.

Fríðindi í starfi

Þjónustu- og nýsköpunarsvið er fyrsta flokks vinnustaður þar sem góð liðsheild, traust og virðing einkennir skemmtilega og skapandi menningu. Við leggjum mikið upp úr faglegu umhverfi þar sem frumkvæði og þori er fagnað. Verkefnin eru krefjandi og skemmtileg og enn betra er að þau stuðla að því að einfalda og bæta líf borgarbúa og starfsfólks borgarinnar.

Við bjóðum upp á: