Skrifstofa ráðgjafar ber ábyrgð á samþættri þjónustu til barna og fjölskyldna, uppeldisráðgjöf Áttunnar, almennri félagslegri ráðgjöf og fjárhagsaðstoð auk ráðgjafar vegna endurhæfingar, atvinnuþátttöku og vinnumiðlunar. Viðfangsefnum er skipað í teymi sem hvert um sig sérhæfir sig í sínum verkefnum en þau eru barna- og fjölskylduteymi, ráðgjafarteymi og virkniteymi. Einnig er veitt sérhæfðari ráðgjöf til fjölskyldna fatlaðra barna á grundvelli laga um þjónustu við fatlað fólk með langvarandi stuðningsþarfir, flóttafólks, hælisleitenda og innflytjenda í gegnum teymin. Kópavogsbær er þátttakandi í verkefni Vinnumálastofnunar sem lýtur að samræmdri móttöku flóttafólks og heyrir starfsfólk sem sinnir þeirri þjónustu undir skrifstofu ráðgjafar.