Fararstjóri í stafrænni vegferð
Vilt þú vera hluti af lausninni?
Orka náttúrunnar leitar að manneskju með brennandi áhuga á nýsköpun, umhverfismálum og snjöllum lausnum til þess að varða leiðina inn í græna stafræna framtíð á spennandi raforkumarkaði. Framundan er fullmótun og framkvæmd langtímastefnu og forgangsröðun tækifæra í þjónustu við viðskiptavini og einföldun ferla. Ef þú vilt gegna lykilhlutverki í að móta framtíðina með okkur þá viljum við heyra frá þér.
Þú munt leiða stafræna vegferð Orku náttúrunnar (ON) í samstarfi við sérfræðinga og stjórnendur fyrirtækisins sem og samstæðu Orkuveitu Reykjavíkur (OR). Þú berð ábyrgð á skilgreiningu þarfa og forgangsröðun verkefna stafrænnar þróunar hjá Orku náttúrunnar og tekur jafnframt þátt í að byggja upp skipulag í kringum stafræna vegferð samstæðu Orkuveitu Reykjavíkur.
Við horfum til drífandi manneskju sem býr yfir ríkum umbótavilja, hugmyndaauðgi og umhyggju.
Menntunar- og hæfniskröfur
Frumkvæði, umbóta- og stefnumiðuð hugsun.
Samstarfs- og samskiptahæfileikar, metnaður og heilindi.
Færni í breytingastjórnun.
Reynsla og hæfni í að greina og setja upp viðskiptatækifæri, áhættur og ávinning á einfaldan og skýran hátt.
Brennandi áhugi og þekking á stafrænni tækni, rekstri, þjónustu, og neytendahegðun.
Reynsla af stafrænni umbreytingu kostur.
Helstu verkefni og ábyrgð
Ábyrgð á framþróun stafrænnar vegferðar hjá ON.
Vera fararstjórinn í stafrænni þróun ON á þann hátt að við náum framúrskarandi árangri í þjónustu við viðskiptavini og rekstri fyrirtækisins.
Þátttaka í mótun og útfærslu langtímastefnu í stafrænni vegferð OR samstæðunnar.
Vinnur með stjórnendum og starfsfólki að því að kortleggja og forgangsraða tækifærum með skýrri áherslu á að ná fram hámarksávinning á sem hagkvæmastan máta.
Vinnur þvert á fyrirtæki og einingar samstæðu OR og tryggir upplýsingagjöf og samskipti á milli hagaðila.
Ber ábyrgð á sameiginlegri verkefnissýn, tryggir skýrar kröfur, fjarlægir hindranir og tryggir að rétt afurð sé framleidd.
Styðja við stöðugar umbætur, nýsköpun og tækniframfarir innan verkefnamiðaðrar menningar.
