Ert þú upprennandi fjármálastjóri framtíðarinnar?

Við leitum að öflugum og nýútskrifuðum einstaklingum í spennandi og krefjandi starf ráðgjafa. Við veitum viðskiptavinum hérlendis og erlendis ráðgjöf tengda rekstri fjármáladeilda, sjálfvirknivæðingu á fjármálaferlum, greiningar og bókhalds-, launa- og reikningshaldsþjónustu.

Við leitum að metnaðarfullum einstaklingi með brennandi áhuga á reikningshaldi, rekstri fjármáladeilda og sjálfvirknivæðingu ferla. Við trúum því að sterkur grunnur í reikningshaldi og fjármálaferlum sé frábær undirstaða þess að geta stýrt fjármálateymum.

Dæmi um verkefni sem við sinnum með kollegum okkar innan Deloitte:

• Hagræðing og umbreyting á fjármálasviðum
• Markmiðasetning og stefnumótun fjármálasviða
• Stafræn vegferð fjármálasviða
• Afleysing lykilstarfsmanna á fjármálasviði

Sérfræðiteymi okkar veitir viðskiptavinum aðgang að fjölbreyttu úrvali fagfólks til að styrkja og viðhalda meginstarfsemi fyrirtækja.

Bakgrunnur þinn og reynsla

Við erum að leita að nýlega útskrifuðum einstaklingum á sviði viðskipta-, tölvunarfræði-, hagfræði- eða verkfræðigreina.

• Reynsla af reikningshaldi, ferlum eða forritun er kostur en ekki nauðsyn, en áhugi á þessum efnistökum er nauðsynlegur
• Mikilvægt er að þú brennir fyrir því að þróast innan fagsins
• Þú nýtur þess að vinna í teymi, en getur líka unnið sjálfstætt
• Þú sýnir frumkvæði, forvitni og útsjónarsemi og ert með mjög góða samskipta- og aðlögunarhæfni
• Þú býrð yfir metnaði til að skila af þér framúrskarandi afurðum

Verkefnin sem þú munt sinna

Okkar trú er sú að til þess að skilja fjármálaferla fyrirtækja og geta starfað sem ráðgjafi eða tímabundinn starfsmaður hjá viðskiptavinum þurfi maður að fjárfesta í grunnþjálfun. Starfið er því þrepaskipt:

· Fyrstu verkefnin í starfinu eru bókhald fyrir ýmis fyrirtæki þar sem áhersla er lögð á að læra á mismunandi fjárhagskerfi, skilja hvað hefur áhrif á reksturinn og hvaða sjálfvirku ferla er hægt að nýta sér.

· Þegar þeirri færni er náð eru næstu verkefni að starfa sem tímabundinn starfsmaður hjá viðskiptavinum þar sem möguleiki er að sjá á bakvið tjöldin hjá fjölbreyttum hópi viðskiptavina.

· Í framhaldi af því er ráðgjöf í umbreytingu á fjármálaferlum fyrirtækja þar sem ferlar innan fjármáladeilda eru greindir og settar fram tillögur að umbótum.

Starfið er mjög fjölbreytt og listinn að ofan alls ekki tæmandi. Á öllum stigum starfsins eru samstarfsfélagar sem bæði leiðbeina og styðja við þína vegferð. Það kann enginn allt á fyrsta degi. Þú færð viðeigandi þjálfun og munt vaxa með teyminu.

Starfsþróunin þín

Hjá Deloitte leggjum við áherslu á að hjálpa starfsfólki að bera kennsl á styrkleika sína og nýta þá í starfi. Með lærdómi og stuðningi innan fyrirtækisins færðu fjölbreytt tækifæri til að þróast og vaxa. Í samstarfi við Henley Business School í London bjóðum við upp á ýmis námskeið, þ.á.m. í verkefnastjórnun, forystu og tæknilegri hæfni. Með einstakri menntun, krefjandi verkefnum og hvetjandi kúltúr mótum við framtíðarleiðtoga í fjármálum.

Að auki bjóðum við upp á:

• Sveigjanlegan vinnutíma
• Regluleg check-in samtöl með yfirmanni og innanhúss Coach
• Gott mötuneyti á sanngjörnu verði, líkamsræktarstyrk og virkt starfsmannafélag

Við hlökkum til að fá umsóknina þína
Nánari upplýsingar um starfið veitir Heiðdís Rún Guðmundsdóttir, verkefnastjóri (hgudmundsdottir@deloitte.is) og Ásta Þyri Emilsdóttir á mannauðssviði, (asemilsdottir@deloitte.is). Æskilegt er að umsækjendur geti hafið störf vor eða haust 2024. Tekið er á móti umsóknum í gegnum heimasíðu Deloitte, www.deloitte.is, til og með 2. júní 2024.