Sérfræðingur í fjármálum, greiningum og áætlanagerð
Fjármála- og efnahagsráðuneytið leitar að framúrskarandi sérfræðingi til að sinna spennandi verkefnum á sviði áætlanagerðar og greininga á fjármálum hins opinbera. Markmið starfsins snýr að auknum árangri og hagkvæmni í rekstri ríkisins, auk stefnumótunarvinnu í samstarfi við lykilaðila í opinberum fjármálum. Viðkomandi þarf að vera lausnamiðaður, hafa góða greiningarhæfni og sýna sjálfstæði og frumkvæði í starfi. Starfið krefst samskiptahæfni og getu til að ávinna sér traust samstarfsaðila.
Starfið er á skrifstofu opinberra fjármála sem hefur yfirumsjón með stefnumörkun og áætlanagerð í opinberum fjármálum, annast verkstjórn, ráðgjöf og eftirlit með gerð fjármálaáætlunar og fjárlaga og ber ábyrgð á samhæfingu opinberra fjármála.
· Ááætlanagerð (m.a. fjárlög og fjármálaáætlun).
· Samvinna við fagráðuneyti og þátttaka í útgjaldaathugunum og stefnumótun fyrir málefnasvið og málaflokka ráðuneyta.
· Greiningar á lykilupplýsingum í rekstri og starfsemi ríkisins, ásamt horfum og þróun til lengri tíma.
· Þróun reiknilíkana og gagnasafna er tengjast áætlanagerð.
· Yfirferð á fjárhagslegum skuldbindingum vegna samninga og lagafrumvarpa.
· Framsetning upplýsinga og kynningar á stöðu opinberra fjármála fyrir innlendum og erlendum aðilum.
» Meistaragráða sem nýtist í starfi , t.d. á sviði hagfræði, viðskiptafræði eða verkfræði.
» Þekking og reynsla á fjármálum og áætlanagerð.
» Reynsla af greiningu fjármálalegra og annarra tölulegra upplýsinga.
» Góð færni í hagnýtingu gagnavinnsluforrita til að greina og miðla tölulegum upplýsingum.
» Lausnamiðuð hugsun, frumkvæði og sjálfstæði í vinnubrögðum, auk hæfni til að taka virkan þátt í teymisvinnu.
» Þekking og reynsla af stefnumótun og árangursstjórnun er kostur.
» Þekking á efnahagsmálum og starfsemi ríkisins er kostur.
» Gott vald á íslensku og ensku í ræðu og riti er nauðsynlegt.