Advania

Hjá Advania á Íslandi starfa um 600 sérfræðingar við að einfalda störf viðskiptavina okkar með snjallri nýtingu á upplýsingatækni. Þó við séum sérfræðingar í tækni viljum við veita framúrskarandi þjónustu. Við hlúum að fólkinu okkar og hjálpumst að við að skapa lifandi vinnustað. Advania á Íslandi er hluti af Advania-samstæðunni sem er meðal umsvifamestu upplýsingatæknifyrirtækja á Norðurlöndum. Samstæðan er með 25 starfsstöðvar í Noregi, Svíþjóð, Danmörku, Finnlandi, Bretlandi og Íslandi. Hjá henni starfa um 3500 sérfræðingar í upplýsingatækni.

Vinnustaðurinn

Sérfræðingur á fjármálasviði

Advania óskar eftir að ráða reyndan bókara í stöðu sérfræðings hjá reikningshaldi. Við leitum að ábyrgum og talnaglöggum einstakling sem hefur næmt auga fyrir smáatriðum, brennandi áhuga og ástríðu fyrir því að veita góða þjónustu ásamt drifkrafti til þess að leiða umbætur ferla og verklags til þess að ganga til liðs við fjármálasvið Advania.

Starfslýsing

Helstu verkefni eru dagleg umsjón og bókanir kostnaðarbókhalds, afstemmingar og greiningar, undirbúningur mánaðarlegra uppgjöra og skil á virðisaukaskatti, þátttaka í umbótarverkefnum ásamt öðrum tilfallandi verkefnum

Menntunar- og hæfniskröfur

Reynsla af bókhaldi og uppgjörum
Þekking og færni á Navision eða BC er kostur
Góð þekking og færni á Excel og góð almenn tölvukunnátta
Frumkvæði, áreiðanleiki, nákvæmni og sjálfstæð vinnubrögð
Jákvæðni, þjónustulund og hæfni í mannlegum samskiptum

Vinnustaðurinn Advania

Advania er alhliða þjónustufyrirtæki í upplýsingatækni og svara lausnir fyrirtækisins þörfum tugþúsunda viðskiptavina í atvinnulífinu.

Vinnustaðurinn er fjölskylduvænn, lifandi og skemmtilegur. Áherslan á að vera einn besti vinnustaður landsins kemur best fram í vinnustaðagreiningum sem hafa sýnt mikla ánægju starfsmanna um árabil. Í kjölfar heimsfaraldurs hefur Advania markað sér fjarvinnustefnu og mun starfsmönnum varanlega standa til boða að vinna að hluta til í fjarvinnu. Virk sjálfbærnistefna er hjá fyrirtækinu.

Við fylgjumst grannt með okkar kolefnisspori, aðfangakeðju og áhrifum okkar á samfélagið og setjum okkur háleit markmið um úrbætur. Í höfuðstöðvum okkar í Guðrúnartúni er svo boðið upp á mat í glæsilegu mötuneyti, góða líkamsræktaraðstöðu og leikherbergi - bæði fyrir starfsmenn og stuttfætta gesti.

Ef þú leitar að spennandi verkefnum, góðu vinnuumhverfi og hressum vinnufélögum, þá finnurðu það hjá okkur. Gildi Advania eru snerpa, ástríða og hæfni.

Ferli ráðninga

Tekið á móti umsóknum til 22. maí 2024
Yfirferð umsókna
Boðað í fyrstu viðtöl
Boðað í seinni viðtöl
Verkefni eða próf lögð fyrir ef við á
Öflun umsagna / meðmæla
Ákvörðun um ráðningu
Öllum umsóknum svarað

Starfsmenn mannauðssviðs ásamt deildarstjóra, forstöðumanni og framkvæmdastjóra þess sviðs sem starfið tilheyrir hafa aðgang að þeim umsóknum sem berast. Farið er með allar umsóknir sem trúnaðarmál.

Nánari upplýsingar

Nánari upplýsingar veitir Eva Björg Gunnarsdóttir, forstöðumaður reikningshalds, eva.bjorg.gunnarsdottir@advania.is / s. 440 9000

Auglýsing stofnuð8. maí 2024

Umsóknarfrestur22. maí 2024

Tungumálakunnátta