Deloitte

Hjá okkur starfa löggiltir endurskoðendur, viðskiptafræðingar, lögfræðingar, fjármálafræðingar, verkfræðingar, tölvunarfræðingar, kerfisfræðingar, fjármálaverkfræðingar, alþjóðafræðingar, markaðsfræðingar, margmiðlunarhönnuðir, félagsfræðingur, stjórnmálafræðingur, húsasmiður, viðurkenndir bókarar og svo mætti lengi telja. 85% starfsmanna er með grunnmenntun úr háskóla, 43% með meistaragráðu.

Vinnustaðurinn

Ert þú endurskoðandi framtíðarinnar?

Við leitum að öflugum einstaklingi sem er að stefna á, hefur nýlokið eða er jafnvel að vinna að M.Acc gráðu og langar að takast á við fjölbreytt og krefjandi verkefni í alþjóðlegu starfsumhverfi. Við leitum að einstakling sem hugsar í lausnum, getur unnið sjálfstætt, er drífandi og vill hafa áhrif. Sem endurskoðandi framtíðarinnar munt þú starfa í samheldnu teymi undir handleiðslu löggiltra endurskoðenda og öðlast þannig dýrmæta reynslu á sviði endurskoðunar og reikningsskila.

Helstu verkefni og ábyrgð

Þú vinnur sem hluti af teymi metnaðarfullra einstaklinga
Þú vinnur að fjölbreyttum verkefnum í endurskoðun og reikningsskilum
Alla jafna vinnur þú í höfuðstöðvum Deloitte en vinnustaður dagsins fer þó eftir tegund verkefna og þeim viðskiptavin sem unnið er fyrir hverju sinni
Þú fylgist með þróun og tækninýjungum á þínu sviði
Þú nýtir þér námskeið og ráðstefnur á vegum Deloitte og samstarfsaðila til að auka færni þína og þekkingu
Þú vinnur undir handleiðslu reyndra endurskoðenda

Menntunar- og hæfniskröfur

Þú brennur fyrir það að þróa færni þína í endurskoðun og reikningsskilum
Þú hefur metnað og nýtur þess að læra
Þú býrð yfir löngun til að skapa frábæra upplifun fyrir viðskiptavini
Þú hefur gaman af því að takast á við ný og krefjandi verkefni
Þú býrð yfir góðri íslensku- og enskukunnáttu í ræðu og riti
Þú býrð yfir greiningarhæfni og góðri þekkingu á Excel
Reynsla af bókhaldsvinnu eða öðru sem nýtist í starfi er kostur
Þú ert að ljúka eða hefur lokið B.Sc. menntun sem tengist viðskiptafræði, hagfræði eða fjármálum með góðum árangri
Stefnir á, ert að vinna að eða hefur jafnvel lokið M.Acc gráðu

Starfsþróun þín

Við trúum því að það sé ávallt rými til að læra en þú munt öðlast dýrmæta reynslu á sviði endurskoðunar og reikningsskila. Þú lærir mikið af þeim fjölbreyttu verkefnum sem þú tekur að þér hjá viðskiptavinum í ólíkum atvinnugeirum, þú fylgist vel með á þínu fagsviði og við að sama skapi styðjum við þinn vöxt með símenntunartækifærum.

Að auki bjóðum við upp á:

Sveigjanlegan vinnutíma
Regluleg check-in samtöl, Mentor sem kemur þér inn í starfið og aðgang að innanhúss Coach
Gott mötuneyti á sanngjörnu verði, líkamsræktarstyrk og virkt starfsmannafélag
Færð aðgang að alþjóðlegu efni Deloitte

Um Deloitte, fólkið okkar og menningu

Deloitte er stærsta ráðgjafar- og endurskoðunarfyrirtæki heims, með um 415.000 starfsmenn í yfir 150 löndum. Hjá Deloitte á Íslandi starfa um 280 starfsmenn, allt sérfræðingar á sínum sviðum, þar á meðal endurskoðun, tækniráðgjöf, fjármálaráðgjöf, áhætturáðgjöf, skatta- og lögfræðiráðgjöf og viðskiptalausnum.

Vilt þú hafa áhrif? Hjá Deloitte skiptir þitt framlag máli því saman, sem ein heild, vinnum við að því að hafa áhrif á viðskiptavini, samstarfsfélaga og samfélag. Þú færð tækifæri til að taka þátt í fjölbreyttum verkefnum þvert á svið, starfsstöðvar og lönd, auka hæfni þína og færni og hafa góðan stuðning til vaxtar og þróunar í starfi.

Við hlökkum til að fá umsóknina þína

Nánari upplýsingar um starfið veitir Heiðar Þór Karlsson (heidar.thor.karlsson@deloitte.is) sviðsstjóri endurskoðunarsviðs og Ásta Þyri Emilsdóttir (asemilsdottir@deloitte.is) verkefnastjóri. Æskilegt er að umsækjendur geti hafið störf haustið 2024. Tekið er á móti umsóknum í gegnum heimasíðu Deloitte, www.deloitte.is. Endurnýja þarf eldri umsóknir.

Auglýsing stofnuð12. apríl 2024

UmsóknarfresturEnginn

Tungumálakunnátta